Gûkumia Taûni ya Njerusaremu
Sabuuri ya aana ba Kora.
87
1 Mwathani aakire taûni yake kîrîmaani kîra kîtheru,2 eendeete taûni ya Njerusaremu
nkûrûki ya gûntû kûra kûngî kunthe ndeeni ya Isiraeri.
3 Ta thikîîria woû taûni ya Ngai,
wîgue mantû ma kûrigaria mara Ngai akwaria îgûrû rîaku,
4 “Nkaagwetanîria Miisiri na Mbabironi
amwe na mîgongo îîngî îra îmbathîkagîra.
Nkabataranîria amwe na antû ba Firisitia, Turo, na Ethiopia,
amwe na atûûri ba Njerusaremu.”
5 Mantû ma Sayuuni makîarua makeeragwa ata rî,
“Antû bonthe baaciarîîrwe ku”
n'ûntû Ûra Arî Îgûrû Mûno akaathaarima taûni înu.
6 Mwathani akaandîka mariîtwa ma antû îbukuuni akîonanagia,
atî bonthe baaciarîîrwe Njerusaremu.
7 Aini bonthe bainaga na gîkeno bakiugaga,
“Ithaarimoa bietû bionthe biumaga Sayuuni.”