Ngai n'we mûnene wa anene
Sabuuri ya Asabu.
82
1 Ngai i gûkarîra akarîrîîte gîtî gîake kîamaani gîa gûku îgûrû.Arîgaambithania arî gatîgatî ka ngaia inu ciingî agîciûragia ata rî,
2 “Biû i mwanka rî bûkaagambithania na njîra îtarî ya mma
na kwendeera bara bathûûku?
3 Gambithagiani bara batarî na inya na twana tûkîa na njîra ya mma
bûtikainyîîrie bara barî na ûbatu na bara batarî na wa kûbateethia.
4 Tunyûkagiani babu barî na thîîna na bara barî na ûbatu,
kuuma njarani cia bara bathûûku.”
5 Biû bûtirî na ûmenyo na bûtigûciûkîrwa.
Bûrî antû bathûûku mûno na i mwinduuni bûrî,
ûmma i bûûrîîte nthîgûrû yonthe.
6 Ndaugire ata rî, “Biû bûrî ngai,
‘bwinthe bûrî aana ba Ngai Ûra Arî Îgûrû Mûno.’
7 Îndî amwe na ûgu bûgaakua wa ta bûra antû bakuuyaga,
bûgaakua wa ta bûra anene bakuuyaga.”
8 Ncû, Ngai, ûgaambithie nthîgûrû,
n'ûntû mîgongo yonthe n'yaku.