Îromba n'ûntû bwa gûcwaa ûteethio
(Sabu 40:13-17)
Kîrî mûtongoria wa wini. Sabuuri ya Ndaundi.
70
1 Mbonokia Ngai na kwenda gwaku,itû Mwathani ncû na mpwî ûnteethie.
2 Antû bara baancûaga baambûraga
baroocindwa na bakarigicana.
Bara bonthe bakenagîîra mathîîna maakwa,
barocookua nyuma na bakagîa îgi.
3 Bara baanthekagîîra,
barocooka nyuma n'ûntû bwa kûgîa îgi.
4 Îndî bara bonthe bagûceragia,
baroogwîrua na bagakena,
bara bonthe beendeete wonokio bwaku rîonthe baugage,
“Ngai n'ûmûnene!”
5 Niû ndî nkîa na ndî na ûbatu,
ncû na mpwî, Ngai ûnteethie.
Ûtigaakarakare, Mwathani
n'ûntû i woû mûnteethia na mwonokia wakwa.