Îromba n'ûntû bwa kûrigîîrua
Kîrî mûtongoria wa wini. Rwinwe na into bia kwina bia ndigi. Sabuuri ya Ndaundi.
61
1 Îgua kîrîro gîakwa, itû Ngai,thikîîria îromba rîakwa!
2 Ndîgûkayîra ntarî na inya nkorooni,
na ndî kûraaya na mûciî.
Mbûkîîria ûmbaige bantû eega ara ntakîona thîîna,
3 n'ûntû i woû mûmenyeeri,
kîbayo kîrî na inya gîteenyeenyeka n'anthû baakwa.
4 Ndîtua gûkaraga bantû aaku ara atheru tene na tene,
na ndîîbithe mûgunyeeni wa mathabu maaku.
5 Woû Ngai, n'wîgîîtue mawîrane maakwa,
na wampa rûgai rwa bara bagûtîîyaga.
6 Ongeera mûnene ntugû cia ûtûûro bwake,
mûrekeerie atûûre mwanka nciarwa cionthe.
7 Arootûûra akîathanaga tene na tene mbere ya Ngai.
Mûmenyeere na wendo bwaku bûra bûtathiraga na gwîtîgîka gwaku.
8 Kwoogu rîonthe nkaina ngîgûkumagia,
wa bûra ngûkûrutîra kîra ntugû bira ndakweere wîrane bwa bio.