Ûkaria bwa mma na bûtarî bwa mma
Kîrî mûtongoria wa wini. Sabuuri ya Ndaundi. Rîra Ndoegi Mûendomu aarî akuthi gwa Saûrû amwîra, “Ndaundi akûthi bwa nyomba ya Aimereki.”
52
1 I mbi îtûmaga wîkumîria ûthûûku bwaku, woû ncamba?Ikî nûntû ûtindaga wîkumîîtie ntugû yonthe.
Woû ûrî gîntû kîrî îgi mbere ya meetho ma Ngai.
2 Woû ûbîndaga njûri ya kûthiria bara bangî,
kanyua gaaku kaûgîîte ta rwembe,
rîonthe waragia mantû ma ûrongo.
3 Wendeete ûthûûku nkûrûki ya wega,
na ûrongo nkûrûki ya kwaria ûmma.
4 Wendeete kwîguithia antû ûthûûku na mîgambo yaku,
mûûrongo ûyû.
5 Kwoogu Ngai agakwînyangia tene na tene.
Agaakûbûria agûkuruthûre îremaani rîaku.
Agakûrutaruta nthîgûrû ya antû bara barî mwoyo.
6 Bara baagîru bakoona ûgu, bamake,
na bakûthekeere bakiugaga,
7 “Kaanthî muntû ûyû n'we ûra
ateegwatia Ngai amûteethia,
îndî we eegwatiirie wingî bwa ûtonga bwake
na aaceria bantû a kwîbitha ûtongaani bûbu bwake!”
8 Îndî niû nkari ta mûceituuni ûmûririmu
ndeeni ya Nyomba ya Ngai.
Mbîtîgîîtie wendo bûbu bwa Ngai bûtathiraga
tene na tene.
9 Ngagûcookeria nkaatho tene na tene,
n'ûntû bwa bûra ûrûthîîte.
Ngaatûmîîria riîtwa rîaku, n'ûntû i rîega, mbere ya antû baaku.