Mantû maathûûku mara marûthagwa n'antû
(Sabu 14)
Kîrî mûtongoria wa wini. Kûringana na Maarathi. Sabuuri ya Ndaundi.
53
1 Kîaa kîîbîîraga nkorooni,“Gûtirî Ngai.”
Bonthe n'antû baathûûku,
na barûthaga mantû maathûûku, gûtirî kinya nwa ûmwe arûthaga bwega.
2 Ngai araithagîîria arî îgûrû
kîrî aana ba antû
oona kana gatîgatîîni kaao kûrî we ûmûûgî,
ûra agongaga Ngai.
3 Bonthe i bagwîte,
bonthe bathûûkîîte bûmwe,
gûtirî nwa ûmwe arûthaga bwega,
arî, gûtirî nwa ûmwe ûgu ta kîara.
4 Ngai arîûria î, “I ka babu barûthaga ûthûûku bataciûkagîrwa?
Bo barîyagîra antû baakwa into ta antû bakûrîa nkima,
na batirombaga Ngai.”
5 Barî agu barî, barî na kîmako kîînene.
Batoorogwatwa n'ûguaya ta bûbu kaîrî!
N'ûntû Ngai akaûraga anthû ba antû baake na anyagaarie maîndî maao,
bageekîrithua îgi, n'ûntû Ngai n'abaregeete.
6 Ndeenda wonokio bwa Isiraeri buuma Sayuuni!
Rîra Mwathani agaacookeria antû baake mawega maao,
Njakubu agaakena, na Isiraeri agwîrue.