Îromba rîa muntû arî mûtae
43
1 Giita îgamba rîakwa, Woû Ngai,na ûndigîîrie kîrî bara bataiyî Ngai.
Nkûûra kuuma kîrî antû bara beenanagia na baathûûku!
2 N'ûntû ûrî Ngai ûra aamenyagîîra rî,
I mbi n'ûntû ûûntiganîrîtie?
I mbi îgaatûma nkara nkînyamaaraga
n'ûntû bwa kwinyîîrua i mûnthû?
3 Ûtûme werû bwaku na kiugo gîaku kîa mma,
bintongoreerie birî bio.
Bincookie Sayuuni, kîrîmaani gîaku kîîtheru,
na Nyomba yaku ara ûtûûraga!
4 Rîru i rîo nkaathi kîthînjîrooni gîaku, Woû Ngai.
I woû kaumo ga gîkeno gîakwa,
na ngagûkumia ngîkwinagîra na kînanda kîa ndigi inyingî,
Woû Ngai, Ngai wakwa.
5 I mbi n'ûntû nkuîte nkoro?
I mbi n'ûntû ntangîkîîte ûgu?
Nkaiga wîrîgîîro bwakwa kîrî Ngai!
Na nkamûkumia kaîrî
mwonokia wakwa na Ngai wakwa.