Inîra Mwathani nyîmbo cia kûmûkumia
33
1 Kenaani ndeeni ya Mwathani biû bara baagîru!Mûkumieni bwinthe biû bara bûmwathîkagîra,
2 Kumiani Mwathani na wandîndî,
mwinîreeni na ngita.
3 Mwinîreeni rwîmbo rûûyerû,
ringaani kînanda na waara, na buuge nkemi na gîkeno.
4 N'ûntû kiugo kîa Mwathani i kîa mma,
na ngûgî ciake cionthe irutagwa na gwîtîgîka.
5 Eendaga wagîru na kûgiitaga magamba bûra kûbatîîrue.
Nthîgûrû yûûyûrîîte wendo bwa Mwathani bûra bûtathiraga.
6 Îgûrû rîaûmbirwe na kiugo kîa Mwathani,
n'we augire îgûrû irîîthîrwe rîrî oogo, na riûa, na mweri amwe na nthata.
7 Eethîraniirie rûûyî rwa îria bantû amwe ta rûrî nyûngûûni,
na rûra rûrî naara mborokerooni aruîthîrania ta mwere kîandaani.
8 Antû bonthe ba nthîgûrû, gongaani Mwathani.
Bwinthe bara batûîre ku mûtîîyeeni.
9 N'ûntû augire, na bwakarîka,
aarutire watho bwarûthîka wabu bungwa.
10 Mwathani n'agarûranagia mîbango ya mîgongo îgatuîka ya mana,
na akeenyangia mîbango yao.
11 Kîrîra kîa Mwathani gîtûûraga tene na tene,
na mathûgaania ma nkoro yake magakinyîra nciarwa cionthe.
12 Kîthaarimo i kîrî mûgongo ûra Mwathani arî Ngai wao,
antû bara eethuurîrîte batuîka rûgai rwake.
13 Mwathani araithagîîria nthîgûrû arî îgûrû,
akoona antû bonthe.
14 Kuuma ara aathanaga akari gîtîîni gîake kîa ûnene,
araithagîîria akoona bonthe bara batwîre nthîgûrû.
15 N'we gûmbîîte nkoro ciao bonthe,
na n'aiyî mantû monthe mara barûthaga.
16 Mûnene atiûmbanaga n'ûntû bwa wingî bwa njûûrî yake ya ndûa,
kana mûcikaarî acinda anthû baake n'ûntû bwa inya yake wengwa.
17 Mbaraathi ya ndûa îtitûma muntû aûmbana ndûani,
na inya yayo îra îrî îînene îtiûmba kwonokia muntû ndûani.
18 Îndî meetho ma Mwathani makaraga maraithîîrîîtie bara bamûtîîyaga,
bara beerîgagîîra wendo bwake bûra bûtathiraga,
19 kaingo akûûra mîoyo yao kuuma gîkuûni,
na abaiga barî mwoyo îgiita rîa yûûra.
20 Wîrîgîîro bwetû bûrî kîrî Mwathani.
Nwe ûteethio bwetû na rong'o yetû.
21 I tûkûgwîrua n'ûntû bwake,
itwîtîgîîtie riîtwa rîake rîîtheru.
22 Itû Mwathani, wendo bwaku bûra bûtathiraga bûrookaraga amwe naati,
wa ta bûra tûkwîrîgîrîîte.