Maromba ma muntû ûmwega
Sabuuri ya Ndaundi.
26
1 Mwathani, ngiitîra îgamba n'ûntû ntirî na mabîtia,n'ûntû ndûthaga bûra kûbatîîrue,
na ngwîtîgîîtie cwe
ntarî na nkanja.
2 Ncûnkûûna na ûûnthime, Mwathani,
nthima mawîrirîria maakwa na mathûgaania maakwa.
3 Ntongoragua i wendo bwaku bûra bûtathiraga,
na ntûûraga ngwîtîgîîtie.
4 Ntikaranagîîra na arongo,
kana nthiiyania na eebwithia.
5 I meneete gîkundi kîa bara barûthaga ûthûûku,
wana ntiendeete gûkaranîîra nabo.
6 Nthambaga njara ciakwa kwonania ntirî na mabîtia,
na Nkaathiûrûûka kîthînjîro gîaku nkûgonge, Woû Mwathani.
7 I mbinaga rwîmbo rwa gûcookia nkaatho,
na nkauga bûra ngûgî ciaku irî cia kûrigaria.
8 Mwathani i mbendeete nyomba yaku ara ûtûûraga,
na bantû ara ûkumio bwaku bûtûûraga.
9 Ûtikaanthiranîrie amwe na eeyia,
ûtikaangiitîre îgamba bûmwe na aûragani.
10 Bo bara barûthaga ûthûûku îgiita rîonthe
na rîonthe beetagîîra kûthûkia ngukumo.
11 Îndî niû ntikari ûgu, ndûthaga bûra kûbatîîrue.
Kwoogu mbîgîîrua kîao, ûmbonokie.
12 Ndûngi ara gûtarî na ûgwati,
na ngaakumia Mwathani mbere ya kîrîndî gîa antû.