Wîtîgio na Wîrîgîîro
Sabuuri ya Ndaundi.
16
1 Itû Ngai, ndigîîria,n'ûntû i kîrî woû ndîîbithaga.
2 Mbîîrîîte Mwathani ata rî, “I woû Mwathani wakwa,
tatiga woû gûtirî gîntû kîngî kîega ndî nakîo.”
3 Atheru bara barî nthîgûrû îno,
i bo barî na ûkumio na i bo gîkeno gîakwa.
4 Îndî bara batûmîkagîra ngai ciingî,
bakeereteera kîeba kiingî.
Ntiîgua ndî amwe nabo igongwanaani biao,
kana ngonga ngai inu ciao.
5 Mwathani, i woû rûgai rwakwa rûra ngaîrîîtwe,
rûra mbîkîîrîîtwe gîkombeeni gîakwa
n'ûmpeyaga bionthe bira mbatîîrue i bio,
na ûtûûro bwakwa bûra bûkaaya bûrî njaraani ciaku.
6 Mîanka yakwa îgiitîîrîîte gûntû kûra kwega,
na mma ingaîrîîtwe gûntû kwega.
7 I ngûkumia Mwathani n'ûntû n'we aampeyaga kîrîra,
wana kinya ûtugû nkoro yakwa n'îndutanaga.
8 Ngaigaga Mwathani mbere yakwa magiita monthe;
Na n'ûntû arî rûteere rwakwa rwa ûrîo,
ntienyenyeka.
9 Kwoogu nkoro yakwa îrî na gîkeno nani ngaakaraga nkeneete.
Mwîrî wakwa n'ûmûmenyeere,
10 n'ûntû woû ûtiireka nkara ndî mûkuû,
kana ûreka mûtheru waku oona woru bwa nthiko.
11 Ûkaambonia njîra ya mwoyo,
na gîkeno gîa gûkara ara ûrî,
na gîkeno gîa gûtûûra naawe njaraani yaku ya ûrîo tene na tene.