N'ûû eetigîîrîîtue gûtwa kîrîma kîîtheru kîa Mwathani
Sabuuri ya Ndaundi.
15
1 Mwathani, n'ûû ûûmba gûtûûra Nyomba yaku?Na n'ûû ûûmba gûtûûra kîrîmaani gîaku kîra kîtheru?
2 I muntû ûra mîkarîre yake îtarî ûguute,
na ûra arûthaga bûra kûbatîîrue.
Na aaragia ûmma kuuma nkorooni yake.
3 Na muntû ûra rûrîme rwake rûtaaragia nguutû.
Ûra atarûthagîra mûtûûri wake mantû mathûûku,
kana athi akîmwaragia kîrî antû,
4 ûra amenaga antû bara bathûûku,
îndî n'atîîyaga bara bathîkagîra Mwathani.
Bara baingagia mîthiîtio yao,
batagûtara ngarama.
5 Ûra akoobithanagia mbia ciake atakîrîîwa na baita,
na atathûkagia ngukumo ya gûtûma aruta ûkûûyî bwa ûrongo kîrî muntû atarî na mabîtia.
Muntû ûra arûthaga mantû mama
atikooro enyeenyua.