Sabuuri 13

Îromba n'ûntû bwa gûcwa ûteethio

Kîrî mûtongoria wa wini. Sabuuri ya Ndaundi.

1 I mwanka rî, Mwathani? N'ûkaariganîrua i niû tene na tene?

I mwanka rî Mwathani ûkaitha ûthiû bwaku kuuma kîrî niû?

2 N'îgiita rîgana ata nkainyîkîria ûrûrû nkorooni yakwa,

I mwanka rî anthû baakwa bagaakara baambûkîîrîte?

3 Ndaitha na ûncookerie, itû Mwathani Ngai wakwa,

mbîkîra meetho maakwa inya, ûtikaareke mmaama nkua.

4 Ûtikaarekeerie anthû baakwa bauga, “Itûramûcindire.”

Kana baaya gûkena n'ûntû bwa kûgwa gwakwa.

5 Naani, ndîîwetie wendo bwaku bûra bûtathiraga,

nkoro yakwa n'îgûkeneera wonokio bwaku.

6 Nkainîra Mwathani,

n'ûntû n'ethîrîîtwe arî ûmwega kîrî niû.