Kwîrîgîîra Mwathani
Kîrî mûtongoria wa wini. Sabuuri ya Ndaundi.
11
1 Niû ndîîbithaga kîrî Mwathani.Na n'ata bûkûmbîîra,
“Buurûûka ta nyoni ûthi irîmaani.a
2 Ta raitha wone bara bathûûku beebithîîte bantû mwinduuni, bakuuyîîtie nta ciao,
beekîrîîte mîgwî yao ngaani
beerekereetie antû bara baagîru nkoro babaratha.
3 Mîcingi îkaaya kwînyangua rî,
n'ata bara baagîru baûmba kûrûtha?”b
4 Mwathani arî ndeeni ya Nyomba yake îra ntheru,
Mwathani arî gîtîîni gîake kîa ûnene,
araithîîrîîtie antû
na meetho maake makoona bûra bakûrûtha.
5 Mwathani acûnkûûnaga ûra mwagîru,
îndî nkoro yake nîmeneete ûra mûthûûkuc
na ûra wendeete ûgîti.
6 Kîrî bara bathûûku,
akabaurithîria mwanki wa makara na wa ûbiriti ta mbura,
îkaanûkia rîao ûkeegua rîrî kîbuubani kîrî na mwanki wa kûbabîîthia.
7 N'ûntû Mwathani n'ûmwagîru,
n'endeete mîtugo îmîega,
bara baagîru bakoona ûthiû bwake.