Ûkumio bwa Ngai na gîtîîyo kîa muntû
Kîrî mûtongoria wa wini. Sabuuri ya Ndaundi ya kwinwa na kînanda.
8
1 Woû Ngai, Mwathani wetû,n'ata riîtwa rîaku rîrî îgweta nthîgûrû îno yonthe!
na ûkumio bwaku bûrî îgûrû mûno.
2 N'ûthuuranîrîte tûnyua twa twana na tûgenke,
tûgûkumia,
ûmenyeereetwe kuumania na anthû baaku,
kaingo ûkiria mûnthû na mûrîania.
3 Ndaaraithîîria îgûrû,
rîra ûûmbîîte na njara ciaku wengwa,
ndoona bûra ûbanganîîtie mweri na nthata,
nkaûria,
4 muntû arî gîtûmi kîrîkû, ûmûthûgaanagîria,
na mwana wa muntû n'ûû, ûgatua kûmûmenyagîîra?
5 Wamûtuîkithia ûmûniini kîrî araîka bantû aniini,
na wamwaa mwago na gîtîîyo.
6 Wamwere watho bwa kwatha bionthe bira waûmbire,
ûgaigîîte into bionthe birî wathooni bwake,
7 nyamû cia ndîîthia cionthe na ng'ombe,
na kinya nyamû cia kîthaka cionthe,
8 nyoni cia îgûrû,
na makûyû ma îria,
na kîra kîonthe kîthiiyagîra rûûyîîni.
9 Woû Ngai, Mwathani wetû,
n'ata riîtwa rîaku rîrî îgweta rîgana nthîgûrû yonthe!