Nciarwa cia Esaû
(1Karaaya 1:34-37)
36
1 Ûyû nuu mûtari wa nciarwa cia Esaû t'we, Endomu. 2 Esaû aagûranire kuuma kîrî Akanaani: Anda mwarî wa Eroni wa Aiti, Ooribama mwarî wa Ana mwarî wa mwana wa Sibeoni ûra Mûibi; 3 na Basemathi, mwarî wa Isumairi na mwaragina wa Nebaiothi. 4 Na Anda aaciarîîre Esaû nthaka yeetagwa Erifasi. Basemathi aaciara Reueri, 5 na Ooribama aaciara nthaka cietagwa Njeusi, Njaramu na Kora. Ino i cio nthaka cia Esaû ira aaciarîîrwe arî nthîgûrû ya Kanaani.6 Esaû aathûkia eekûrû baake, nthaka ciake, aarî baake, na antû ba mûciî wake bonthe, ng'ombe ciake, nyamû ciake cionthe, na into biake bionthe bira aarî agûceria arî nthîgûrû ya Kanaani; na aathi nthîgûrû yîîngî batikoonane na mûruagina Njakubu. 7 Ûtonga bwao i bwarî bwingî mûno bûra bataayaga kûthi na mbere gûkara amwe; n'ûntû nyamû ciao cia ndîîthia i ciarî imbingî bûra gûntû wa kûrîîthia gûtaayaga kûbagana. 8 I kîo gîtûmi Esaû ûra eetagwa kaîrî Endomu aathiire gûtûûra irîmaani bia Seiri.
9 Ino i cio nciarwa cia Esaû îthe wa Aendomu bara baatwîre ntûûrani cia irîma bia Seiri.
10 Mama i mo mariîtwa ma nthaka cia Esaû:
Erifasi mwana wa Anda mwekûrû wa Esaû, Reueri mwana wa Basemathi mwekûrû wa Esaû.
11 Nthaka cia Erifasi ciarî
Temani, Omari, Sefo, Gatamu na Kenasi.
12 Timuna aarî mûka wa kwaiga wa Erifasi, nthaka ya Esaû; aaciarîra Erifasi Amareki. Baba baarî booyûûe ba Anda mwekûrû wa Esaû.
13 Ino i cio nthaka cia Reueri:
Naathi, Sera, Sama, na Misa. Baba i booyûûe ba Basemathi, mwekûrû wa Esaû.
14 Ino i cio nthaka cia Ooribama mwekûrû wa Esaû, ûra aarî mwarî wa Ana mwana wa Sibeoni, aaciarîra Esaû nthaka ino,
Njeusi, Njaramu na Kora.
15 Îno n'yo mîîrîga îra yaumire kîrî Esaû.
Erifasi nthaka îra nkûrû ya Esaû, yarî kîûyûûyû kîa mîîrîga îno:
Temani, Omari, Sefo, Kenasi, 16 Kora,a Gatamu, na Amareki. Ino cionthe ciarî nciarwa cia mwekûrû wa Esaû Anda. 17 Kîûyûûyû kîa mîîrîga îra îîtagwa Naathi, Sera, Sama, na Misa kîarî Reueri. Îthe wa Reueri aarî Esaû, na gina aarî Basemathi.
18 Ooribama aarî kîûyûûyû kîa mîîrîga îra yeetagwa Njeusi, Njaramu, na Kora.
Aarî mwekûrû wa Esaû na mwarî wa Ana.
19 Mîîrîga îno yonthe yaumire kîrî Esaû, ûra aiyîkeene kaîrî ta Endomu.
Antû ba Seir
(1Karaaya 1:38-42)
20 Ino i cio ciarî nthaka cia Seiri Mûori, bara baatwîre nthîgûrû înu: Rotani, Sobari, Sibeoni, Ana, 21 Ndisoni, Eseri, na Ndisani. Baba i bo baarî atongoria ba mwîrîga wa Aori, nciarwa cia Seiri ûra aatûûraga nthîgûrû ya Endomu. 22 Nthaka cia Rotani ciarî Ori na Omamu; na mwaragina wa Rotani eetagwa Timuna. 23 Ino i cio nthaka cia Sobari: Aribani, Manaathi, Ebari, Sefo, na Onamu. 24 Nthaka cia Sibeoni ciarî: Aya na Ana; Ana ûra oonire kîthima kîa rûûyî rûrî na mwanki rwanda, arîthîîtie mang'ooi ma îthe Sibeoni.
25 Aana ba Ana baarî Ndisoni na mwaragina Ooribama.
26 Nthaka cia Ndisoni ciarî Emindani, Esibani, Ithirani, na Kerani.
27 Nthaka cia Eseri ciarî Mbirani, Saabani, na Akani.
28 Nthaka cia Ndisani ciarî Usi na Arani.
29 Mîîrîga ya Aori yarî: Rotani, Sobari, Sibeoni, Ana, 30 Ndisoni, Eseri, na Ndisani na baatwîre nthîgûrû ya Seiri.
Atongoria ba Endomu
(1Karaaya 1:43-54)
31 Baba i bo anene bara baathanaga nthîgûrû ya Endomu, mbere ya mûnene nwa ûrîkû aathana Isiraeri. 32 Mbera mwana wa Mbeori aatuîka mûnene wa Endomu, taûni yake yetagwa Ndinaba. 33 Rîra Mbera aakuire, Njobabu mwana wa Sera wa kuuma Bosira aatuîka mûnene bantû aake. 34 Njobabu agûkua, Usamu wa kuuma nthîgûrû ya Temani aatuîka mûnene bantû aake. 35 Usamu aakua, Andandi mwana wa Mbendandi, ûra aaturîîre Amindiani nthîgûrû ya Moabu, aathana bantû aake, taûni yake yetagwa Abithi. 36 Andandi agûkua, Samura wa kuuma Masireka aatuîka mûnene bantû aake. 37 Rîra Samura aakuire, Saûrû wa kuuma Reobothi akubî na muuro wa Yufîrîti aatuîka mûnene bantû aake. 38 Saûrû agûkua, Mbaari-Anani mwana wa Akibori aatuîka mûnene bantû aake. 39 Mbaari-Anani mwana wa Akibori agûkua, Andari aathana bantû aake, na ntûûra yake yeetagwa Pau; mwekûrû wake eetagwa Meetaberi, mwarî wa Matirendi, ûyûûe wa Mesaabu.
40 Mîîrîga îra yuumanîîtie na Esaû yaarutire mariîtwa maao kuuma kîrî mîciî na kuuma kîrî mariîtwa ma gûntû kûra baatûûraga: Timuna, Ariba, Njethethi, 41 Ooribama, Era, Pinoni, 42 Kenasi, Temani, Mibusari, 43 Magindieri na Iramu. Baba i bo baarî atongoria ba mîîrîga ya Endomu. Baatûûrire gûntû mwanya mwanya nthîgûrû yao. Esaû n'we aarî kîûyûûyû kîa Aendomu bonthe.