Nciarwa cia Nuu
(1Karaaya 1:5-23)
10
1 Ino i cio nciarwa cia nthaka cia Nuu. Semu, Amu, na Njafethi. Barî bathatû i baagîîre na aana nyuma ya îkondoria.2 Aana ba Njafethi baarî,
Ngomeri, Magogu, Mendai, Njabani, Tubari, Meseki, na Tiras.
3 Aana ba Ngomeri baarî,
Asikenasi, Rifathi na Togarima.
4 Aana ba Njabani baarî,
Erisaa, Tarisisi, Kitimu, na Rondanimu. 5 Nciarwa cia antû babu i cio ciagaûkanire ciathi gûtûûra nthîgûrû ira irî nteere cia îria. Baatûûrire wa antû nthîgûrû yao, kûringana na rwaria rwao, mîîrîga na mîgongo yao.
6 Aana ba Amu baarî,
Kusi, Misiraimu, Puti na Kanaani.
7 Aana ba Kusi baarî,
Seba, Abira, Sabuta, Raama, na Sabuteka.
Aana ba Raama baarî,
Seba na Ndendani.
8 Kusi aarî îthe wa Nimurondi, ûra aarî wa mbere nthîgûrû gûtuîka ncamba îrî inya ya ndûa. 9 Aarî mwathi ûrî inya mbere ya Ngai, i kîo n'ûntû kuugagwa, “Mwathi ûrî inya mbere ya Mwathani ta Nimurondi.” 10 Mwanjîîrio wa ûnene bwake warî Mbabironi, Ereki, Akandi, na Karine, nthîgûrû ya Sinari. 11 Kuuma nthî înu aathi Sîîria, aaka Ninebe, Reobothi Iri, Kara, 12 na Reseni, îra îrî gatîgatî ka Ninebe na Kara; înu n'yo taûni îra nene. 13 Miisiri aatuîka îthe wa Arundimu, Anamimu, Areabi, Anabutu, 14 Apathirusi, Akasurui, (ûra aatuîkire kaumo ga Afirisiti) na Akabutori.
15 Kanaani aarî îthe wa Sindoni, t'we mwana ûra mûkûrû, aathingatua Ethi, 16 na Anjebusi, Aamori, Angirigasi, 17 Aibi, Aariki, Asini, 18 Aaribandi, Asemari, na Amathi. Nyumaani mîciî ya Akanaani yaathaamana. 19 Na mwanka wa Akanaani waathiyanga kuuma Sindoni, rûteere rwa Gerari, mwanka Gasa, na rûteere rwa Sondomu, Ngomoora, Andima, na Seboiimu, mwanka Rasa. 20 Baba i bo aana ba Amu, kûringana na mîîrîga yao, ndwaria, nthî ciao, na mîgongo yao.
21 Semu, kîûyûûyû kîa aana ba Eberi bonthe, mûruagina wa Njafethi ûra mûkûrû kinya we n'aciarire aana. 22 Aana ba Semu baarî Eramu, Asuuri, Aripakisandi, Rundi, na Aramu. 23 Aana ba Aramu baarî Usi, Uri, Ngetheri, na Masi. 24 Aripakisandi aaciara Sera, Sera aagea na Eberi. 25 Eberi aaciara aana baîrî, ûmwe eetagwa Peregia n'ûntû ntugûûni ciake nthî n'yagaanîîtue, na mûruagina eetagwa Njokitani. 26 Njokitani aarî îthe wa Arimondandi, Serebu, Asarimabethi, Njera, 27 Andoramu, Usari, Ndikira, 28 Obari, Abimaeri, Seba, 29 Ofiri, Abira, na Njobabu. Baba bonthe baarî nthaka cia Njokitani. 30 Na kûra baatwîre kwanjîîrîîtie Mesa kwathi kwerekereete Sefari, nthî ya irîma ya rûteere rwa uumîîro bwa riûa. 31 Baba i bo aana ba Semu, kûringana na mîîrîga yao, ndwaria ciao, nthî ciao, na mîgongo yao.
32 Îno n'yo mîîrîga ya aana ba Nuu, kûringana na nciarwa ciao, mîgongooni yao. Na kuumania nabo mîgongo yanyagaara ngongo cionthe cia nthîgûrû nyuma ya îkondoria.