Yesus marasen wong lumpuh karo nyepura dusane
2
Pepirang dina marine iku, Yesus mbalik nang Kapernaum. Terus ana kabar sing nyebar nek Yesus ana ning salah sijine umah. 2 Mangkane akeh wong pada teka sampek nanak enggon maneh. Malah akeh wong pada desel-deselan ning ngarepe lawang. Terus Yesus nyampek'en pesen teka Pengeran.3 Pas iku ana wong papat sing teka nggotong wong lumpuh gawe klasa.
Wong papat nggotong wong lumpuh (2:3)
6 Pas iku ana pepirang ahli agama Ibrani sing lungguh ning kono. Wong-wong iku mikir ning atine, 7 “Kok wani temenan ngomong ngono? Iki pada mbarek ngenyek Pengeran! Sak'jane mek Pengeran sing bisa nyepura dusane menungsa!”
8 Yesus langsung weruh pikirane wong-wong iku terus guneman, “Ngapa kok mikir ngono ning atine sira? 9 Endi sing luwih ewoh Tak buktek'en? Apa nek'e Reang ngomong, ‘Dusane wis Tak sepura,’ utawa nek'e Reang ngomong ‘Tangia, jupuk'en klasane terus mlakua?’ 10 Tapi cekne sira weruh, Reang, Rajane Menungsa,a duwe kuwasa ning ndunya kanggo nyepura dusane wong.” Terus Yesus guneman nang wong sing lumpuh iku, 11 “Rungokna! Tangia, jupuk'en klasane sira, terus muliha.”
12 Memara wong lumpuh iku tangi, njupuk klasane, terus moleh mbarek dideleng wong akeh. Kabeh wong sing ana ning kono pada gawok, terus pada muji Pengeran ngene, “Kedadean entah iki orak tau kene deleng sak'durunge.”
Wong tukang narik pajek melu Yesus
13 Maringono Yesus mbalik maneh nang pinggire Ranu Galilea. Akeh wong pada teka teruse Yesus mulang wong-wong iku. 14 Yesus nerusen mlakune, terus ndeleng tukang narik pajek sing jenenge Lewi. Lewi iku anak'e Pak Alfeus. Lewi gek lungguh ning panggonan kanggo ngurusi wong mbayar pajek. Yesus ngomong, “Ayo melua Reang!” Lewi ngadek terus melu Yesus.
15 Marine ngono Yesus karo murid-muride mangan ning umahe Lewi. Akeh wong tukang narik pajek karo wong-wong “dusa” melu mangan bebarengan Yesus karo murid-muride. Ana akeh wong ning kono merga wis akeh sing melu Yesus.
16 Tapi pepirang ahli agama Ibrani ambek wong Farisi ndeleng Yesus mangan, bebarengan wong-wong dusa ambek tukang narik pajek. Sidane wong-wong iku pada takon nang murid-muride Yesus, “Ngapa Yesus kok mangan bebarengan karo wong-wong tukang narik pajek ambek wong-wong dusa?”
17 Pas ngrungok'en iku Yesus guneman, “Duduk wong waras sing mbutuh diwarasen, tapi wong sing lara. Reang teka duduk kanggo ngejak wong sing jere dewe bener, tapikne kanggo ngejak wong dusa cek'ne tobat teka dusa-dusane.”
Sing lawas ambek sing anyar
18 Ning salah sijine dina, ana murid-muride Yohanes, tukang mbaptis wong iku, karo pepirang wong Farisi gek pada pasa. Teruse ana pepirang wong sing teka terus takon nang Yesus, “Ngapa kok murid-muride Yohanes ambek murid-muride wong Farisi pada pasa, tapikne murid-muride Rika kok orak pasa?”
19 Terus Yesus semaur nang wong iku, “Kemanten lanang orak kira ngongkon kanca sinoman pasa pas teka nang slametan. Sak'wene kemanten lanang iku gek ana, kekanca sinoman orak oleh pasa. 20 Tapikne, dinane bakale teka, pas kemanten lanang dijukuk teka kanca-kancane. Pas iku kanca-kancane kemanten lanang iku mestine bakal pasa.
21 “Nanak wong sing nambal klambi lawas gawe kain sing anyar. Nek ngono, pas diumbah kain sing anyar iku bakale mengkeret terus bisa nyowek klambi sing lawas, sidane bolongane tambah gede. 22 Terus, nanak wong sing ngiseni anggur anyar ning kantong kulit lawas sing orak bisa mekar maneh. Merga kantong teka kulit sing lawas iku bakale mbledos teka glembunge anggur anyar iku. Nek ngono, anggure kebuak ambek kantonge ya rusak pisan. Tapi, banyu anggur sing anyar kudu dilebok'en ning kantong kulit sing anyar pisan.”
Yesus iku sing nguwasani dina Sabat
23 Ning salah sijine dina Sabat, Yesus mlaku-mlaku ngliwati gaga bebarengan murid-muride. Terus murid-muride metik wijine gandum merga luwe. 24 Tapikne pepirang wong Farisi pada guneman nang Yesus, “Delengen! Ngapa kok murid-muride sira manen gandum pas dina Sabat? Sira lak wis weruh nek wong Ibrani orak oleh nyambut gawe pas dina suci iki.” b
25 Yesus njawab, “Apa sira orak maca ning Kitab Suci ngenek'i ceritane Daudc biyen? Sak'durunge Daud dadi raja, Daud ambek kanca-kancane keluwen merga pangane kurang. 26 Pas iku Pak Abyatar sing dadi pengarepe sembahyang agung. Daud mlebu nang Umahe Pengeran, terus njupuk roti sing wis disajek'en nang Pengeran. Roti iku dipangan Daud, terus digenehen nang kanca-kancane. Tapi nurut Kitab Suci, roti iku orak oleh dipangan nang wong biasa. Sak'jane mek pengarep-pengarepe sembahyang wae sing oleh mangan roti iku.”