SiYakub Nombarakai SiꞌEvraim Ane SiManasye
48
1 Jio meende lamai heꞌua umai sotoo nokarevaa eisiYusup siamanya nepees novoat.
Karna heꞌua siia nelampamo concoono rotoo teunganya,
siManasye ane siꞌEvraim,
nongita siYakub.
2 Watu jinaritaa eisiYakub,
“Najaoko teungamu siYusup eisiꞌoo,”
siia mongincona jojoo teꞌuignya ane nongodung eipoꞌoturuong.
3 SiYakub nonjarita eisiYusup,
“TeꞌAlataꞌala Sanu Tututuu Mabaraka najaok eisiaꞌu eiKota nuLus,
eiTana nuKanaꞌan,
ane nombarakaimo siaꞌu.
4 Siia nonjarita eisiaꞌu,
‘Siaꞌu mombeena eisiꞌoo mabari teunga temoꞌupu antau tebijamu majari mabari tebangsa,
siaꞌu mombeena teTana nuKanaꞌan eini eibijamu simamo tetana niira jaok seende-endenya.’ ”
5 SiYakub monarusa,
“Rotoo teungamu siꞌEvraim ane siManasye sanu pinoguungaa eiTana nuMesir eini jijiompo siaꞌu najaok eiriꞌini,
ilabitu teunga-unga mboto,
selilio sima siRuben ane siSimeon.
6 Ane siꞌoo maꞌaala teunga-unga touk siira,
siira jio noanggapu simamo teungaꞌu tapi boi teungamu.
Siira monarima tebudel lamai siꞌEvraim ane siManasye.
7 Siaꞌu nonggauka heꞌua karna siaꞌu nolambot tesapa sanu najari eisiRahel,
siinamu.
Eilalong nupelampaongu netencile lamai teTana nuPadan,
siinamu naate eiTana nuKanaꞌan,
jio naavar lamai teKota nuꞌEvrata,
ane siaꞌu noondong.
Siaꞌu nontanonaꞌomo siia ampi heꞌua,
eipipit nujalang eiKota nuꞌEvrata.”
(Nyapoeini teKota nuꞌEvrata inotoimo simamo teBetlehem.)
8 Watu siYakub neꞌita teunga-unga niYusup heꞌua,
siia noꞌutanya,
“Sisee teunga-unga eini?”
9 SiYusup nonyimbat,
“Einimo teunga-ungaꞌu sanu vineena nuꞌAlataꞌala eisiaꞌu eiTana nuMesir eini.”
SiYakub nonjarita,
“Osukaꞌomo siira eisiaꞌu antau ubarakai.”
10 SiYakub nonjarita sima heꞌua karna siia jiongo maala meꞌita marava karna meisimo ane tematanya novuraumo.
Karna heꞌua siYusup nongosuka teunga-unga heꞌua eisiYakub,
ane siia negonggol ane nembongii siira.
11 Lamai heꞌua siYakub nonjarita eisiYusup,
“Siaꞌu jiongo maranu metepojaokonye concoono siꞌoo,
tapi nyapoeini teꞌAlataꞌala patuvayaa siaꞌu neꞌita teunga-ungamu valii.”
12 Lamai heꞌua siYusup nongala siira lamai moꞌosuk eituꞌu niYakub,
lamai heꞌua siia noposuncul eitolo niamanya.
13-14 Touk heꞌua siYusup nongembea rotoo teunganya eiꞌosuk niYakub,
siꞌEvraim sanu pomabusong eisabata nuꞌoigi ane siManasye sanu siaꞌa heꞌua eisabata nuꞌoanong.
Tapi siYakub nonalempana teꞌongkongnya ane nongembeaꞌonya telima nuꞌoanongnya eibabok nuvaꞌi niꞌEvraim,
maampo siia sanu pomabusong,
ane telima nuꞌoiginya inembeaꞌonya eibabok nuvaꞌi niManasye,
maampo siia sanu siaꞌa.a
15 Touk heꞌua binarakainya siYusup,
jinaritanya,
“TeꞌAlataꞌala,
Siiamo sanu sinomba nikakaiꞌu,
siꞌAbraham,
ane siamaꞌu,
siꞌIshak.
Siia sanu nomiara siaꞌu jaok eleo eini,
16 Siia temalaekat sanu nopaꞌasalamat siaꞌu lamai jojoo sanu majaat.
Siaꞌu nomongi teꞌAlataꞌala nombarakai teunga-unga eini.
Siaꞌu nomongi tetopeꞌu,
tetope niꞌAbraham ane niꞌIshak netekareva karna teunga-unga eini.
Siaꞌu nomongi siira moꞌounga omoꞌupu
jaok tebija niira mabari tutuu eijuniaa.”
17 Watu neꞌita siamanya nongembea telima nuꞌoanongnya eibabok nuvaꞌi niꞌEvraim,
siYusup jio masanang.
Lamai heꞌua diniitinya telima niamanya nobalikaꞌonya lamai eibabok nuvaꞌi niꞌEvraim eibabok nuvaꞌi niManasye.
18 SiYusup nonjarita eisiamanya,
“Papa,
inyaa sima heꞌua.
SiManasye teunga sanu siaꞌa.
Embeaꞌomo telima nuoanongmu eibabok nuvaꞌinya.”
19 Tapi siamanya jio seilu.
Siia nonjarita,
“Siaꞌu uotoi,
teungaꞌu,
siaꞌu uotoi.
SiManasye valii mooge tekuasanya,
ane mabari valii tebijanya eijuniaa.
Tapi tetuainya mooge tekuasanya heꞌuapa siia,
ane tebija nutuainya heꞌua majari tebangsa-bangsa sanu mooge.”
20 Lamai heꞌua binarakainya teunga-unga heꞌua eieleo heꞌua,
jinaritanya,
“Tetoo-too nuꞌIsrael mepake tetope-topemu watu siira mombarakai tetoo.
Siira monjarita sima eini,
‘Siaꞌu nomongi eiꞌAlataꞌala nogutu siꞌoo sima siꞌEvraim ane siManasye.’ ”
Sima heꞌua siYakub nongaliurua siꞌEvraim eitolo niManasye.
21 Lamai heꞌua siYakub nonjarita eisiYusup,
“Itaimo,
siaꞌu moꞌosuko maate,
tapi teꞌAlataꞌala monagui siꞌemiu ane mongomung siꞌemiu metencile eitana nusiopu-siopu niꞌemiu sanu luulumai.
22 Eisiꞌoomo,
ane jio umai eirururusmu,
siaꞌu mombeena teSikhem,
b tetana sanu morumbang heꞌua sanu valii uala lamai tetoo-too nuꞌAmori nepake teꞌiabut ane tepanaꞌu.”