Tebija NiꞌEsau
(1Taw. 1:34-37)
36
1 Eini tetuturong tebija niꞌEsau sanu tinope valii siꞌEdom.
2-3 SiꞌEsau nolapi tolutoo tebengkel nuKanaꞌan.
Tetope-tope niira siꞌAda,
siꞌOholibama ane siBasmat.
SiꞌAda heꞌua teunga niꞌElon tetoo nuHet.
SiꞌOholibama heꞌua teunga niꞌAna ane temoꞌupu siSibeon tetoo nuHewi.
SiBasmat heꞌua,
teunga niꞌIsmael ane tetuai niNebayot.
4 SiꞌAda noguungaa siꞌElivas,
siBasmat noguungaa siRehuel,
5 ane siꞌOholibama noguungaa siYeush,
siYaelam ane siKorah.
Jojoo teunga niꞌEsau heꞌua pinoguungaa eiTana nuKanaꞌan.
6 Lamai heꞌua siꞌEsau nolinjoꞌimo siYakub ane umaꞌo eitana ntaninya.
Siia nongomung jojoo telapinya,
teunganya ane jojoo tetoo sanu eivonuanya,
jojoo nengangayaonga tepetuvuong ane tesasagaranya sanu naalanya eiTana nuKanaꞌan.
7 SiꞌEsau neꞌaꞌantaong lamai siYakub karna teharta niira nelabi nabari sima heꞌua siira jio maala netuvu concoono.
Tetana valii sanu pinomoiai niira heꞌua jio umai magana sanu noꞌinang nupetuvuong-petuvuong niira sanu tututuu nabari heꞌua.
8 Karna heꞌua siꞌEsau,
sanu valii tinope siꞌEdom,
nomoia eibuut-buut nuSeir.
9 Einimo tetuturong tebija niꞌEsau,
tesiopu sanu luulumai nutoo-too nuꞌEdom,
sanu nomoia eibuut-buut nuSeir.
10-13 Telapi niꞌEsau sanu tinope siꞌAda noguungaa sotoo teunga langkai,
tetopenya siꞌElivas.
SiꞌElivas umai limatoo teunga langkai.
Heꞌua siTeman,
siꞌOmar,
siSepo,
siGaetam ane siKenas.
SiꞌElivas umai tesarue,
tetopenya siTimna.
Siia noguungaa teunga langkai sanu tinopeinya siꞌAmalek.
Telapi niꞌEsau sanu tinope siBasmat noguungaa sotoo teunga langkai sanu tinopeinya siRehuel.
SiRehuel umai apatoo teunga langkai.
Heꞌua siNahat,
siSerah,
siSyama ane siMisa.
14 Telapi niꞌEsau sanu tinope siꞌOholibama,
heꞌua teunga niꞌAna ane temoꞌupu niSibeon,
noguungaa tolutoo teunga langkai.
Heꞌua siYeush,
siYaelam ane siKorah.
15-16 Einimo tesiopu-siopu sanu luulumai nusuku tebija niꞌEsau.
SiꞌElivas,
teunga nusiaꞌa niꞌEsau,
tesiopu sanu luulumai nusuku-suku eini:
teTeman,
teꞌOmar,
teSepo,
teKenas,
teKorah,
teGaetam ane teꞌAmalek.
Siira jojoo tebija niꞌAda,
telapi niꞌEsau.
17 SiRehuel,
teunga niꞌEsau,
tesiopu sanu luulumai nusuku-suku eini:
teNahat,
teSerah,
teSyama ane teMisa.
Siira jojoo tebija niBasmat,
telapi niꞌEsau.
18 Tesuku-suku eini tebija niꞌEsau lamai silapinya sanu tinope siꞌOholibama,
teunga niꞌAna.
Heꞌua siYeush,
siYaelam ane siKorah.
19 Heꞌuamo tebijanya concoono tesiopu-siopu sanu luulumai nusuku-suku niꞌEsau.
SiꞌEsau valii tinope siꞌEdom.
Tebija NiSeir
(1Taw. 1:38-42)
20-21 Eini teunga-unga langkai niSeir,
tetoo nuHori,
sanu nomoia eiTana nuꞌEdom jijiompo siꞌEsau najaok.
SiLotan,
siSyobal,
siSibeon,
siꞌAna,
siDisyon,
siꞌEser ane siDisyan.
Teunga-unga eini tekapala nusuku nutoo-too nuHori.
22 SiLotan heꞌua tesiopu sanu luulumai nutoo-too nuHori ane nuHeman.
(SiLotan umai orurus bengkel,
heꞌua siTimna.)
23 SiSyobal heꞌua tesiopu sanu luulumai nutoo-too nuꞌAlwan,
nuManahat,
nuꞌEbal,
nuSyepo ane nuꞌOnam.
24 SiSibeon heꞌua tesiopu sanu luulumai nutoo-too nuꞌAya ane nuꞌAna.
SiꞌAna eini sanu naꞌajaok temata-mata nuogo moondak eitana sanu jio pinomoiai nutoo watu siia nomiara tekeledai-keledai niamanya.
25-26 SiꞌAna heꞌua tesiama niDisyon,
ane siDisyon tesiopu sanu luulumai nutoo-too nuHemdan,
nuꞌEsyban,
nuYitran ane nuKeran.
SiꞌAna valii umai ounga bengkel,
tetopenya siꞌOholibama.
27 SiꞌEser heꞌua tesiopu sanu luulumai nutoo-too nuBilhan,
nuSaꞌawan,
ane nuꞌAkan.
28 SiDisyan heꞌua tesiopu sanu luulumai nutoo-too nuꞌUs ane nuꞌAram.
29-30 Einimo tesuku-suku nutoo-too nuHori eiTana nuSeir.
Heꞌua teLotan,
teSyobal,
teSibeon,
teꞌAna,
teDisyon,
teꞌEser ane teDisyan.
Tepuang-puang NuꞌEdom
(1Taw. 1:43-54)
31 Einimo tepuang-puang sanu nomarenta eiTana nuꞌEdom,
jijiompo umai sotoo tepuang momarenta tetoo-too nuꞌIsrael.
32 EiꞌEdom sanu nomarenta heꞌuamo siBela,
teunga niBeor ane tetope nukotanya teDinhaba.
33 Touk siBela maate,
siia binolosi niYobab,
teunga niSerah lamai teKota nuBosra.
34 Touk siYobab maate,
siia binolosi niHusyam lamai tetana nutoo-too nuTeman.
35 Touk siHusyam maate,
siia binolosi niHadad najari tepuang.
SiHadad heꞌua teunga niBedad.
SiHadad heꞌua valii sanu nondaag tetoo-too nuMidian eiTana nuMoab.
Tetope nukotanya heꞌua teꞌAwit.
36 Touk siHadad maate,
siia binolosi niSamla lamai teKota nuMasreka.
37 Touk siSamla maate,
siia binolosi niSaul lamai teKota nuRehobot eipipit nubangkalang.
38 Touk siSaul maate,
siia binolosi niBaꞌal-Hanan teunga niꞌAkhbor.
39 Touk siBaꞌal-Hanan maate,
siia binolosi niHadar lamai teKota nuPahu.
Silapinya tinope siMehetabeꞌel,
teunga niMatred ane temoꞌupu niMesahab.
40-43 SiꞌEsau heꞌua tesiopu sanu luulumai nusuku-suku niꞌEdom sanu eini:
teTimna,
teꞌAlwa,
teYetet,
teꞌOholibama,
teꞌEla,
tePinon,
teKenas,
teTeman,
teMibsar,
teMagdiel ane teꞌIram.
Sososuku nombeena tetopenya eitana sanu pinomoiai niira.