Temenara NuBabel
11
1 Watu heꞌua jojoo tetoo eijuniaa boi nepake tebasa sanu selilio ane tebasa heꞌua boi sangaya.
2 Watu siira nombalik-mbalik eisabata nutimur,
siira najaoko eilembok eiTana nuBabilonia,
lamai heꞌua nomoia ampi heꞌua.
3 Siira nejajaritaong,
“Maemo siꞌita mogutu tevatu tela ane morampungnya jaok naꞌadal.”
Sima heꞌua siira umai tevatu tela sanu majari tevatu nuvonua ane teꞌaspal sanu majari tesagara nopengampotinya.
4 Lamai heꞌua siira nonjarita,
“Maemo siꞌita mongoroa tekota concoono sobua temenara sanu mapangkat ane tetuvunya majaok eilangit,
antau jojoo tetoo moꞌotoi tetope niꞌita ane siꞌita jio nesimputarea eipapaio eijuniaa.”
5 Lamai heꞌua teSiopub nenyau untuk nengita tekota ane temenara sanu inoroa numanusia.
6 Lamai heꞌua Siia nonjarita,
“Siira eini sabangsa ane sangaya tebasa,
ane eini paꞌali tepamulaong lamai terancana-rancana nupokarajaaong niira.
Jio meende siira maala monggauka tesapa-sapa sanu seilu niira.
7 Maemo Siꞌita nenyau ane nopeꞌeingu tebasa niira antau siira jiongo neꞌoꞌotoiong tebasa.”
8 Sima heꞌua teSiopu nesimputareac siira eipapaio eijuniaa.
Karna heꞌua siira nengondok nogutu tekota heꞌua.
9 Tekota heꞌua tinope teBabel,
d karna eiriꞌua teSiopu nepeꞌeingu tebasa jojoo tebangsa,
ane lamai eiriꞌua siira sinimputareae nuSiopu eipapaio eijuniaa.
Tebija niSem
10 Eini tetuturong tebija niSem.
Rontoung notouk teogo buntul,
watu teꞌumur niSem 100 ntoung,
siia naꞌaala sotoo teunga langkai,
tetopenya siꞌArpakhsad.
11 Touk heꞌua siSem ulengi netuvu 500 ntoung,
ane naꞌaala teunga-unga ntaninya,
telangkai-langkai ane tebengkel-bengkel.
12 Watu teꞌumur niꞌArpakhsad 35 ntoung,
siia naꞌaala teunga langkai,
tetopenya siSelah.
13 Touk heꞌua siꞌArpakhsad ulengi netuvu 403 ntoung,
ane naꞌaala teunga-unga ntaninya,
telangkai-langkai ane tebengkel-bengkel.
14 Watu teꞌumur niSelah 30 ntoung,
siia naꞌaala teunga langkai,
tetopenya siꞌEber.
15 Touk heꞌua siSelah ulengi netuvu 403 ntoung,
ane naꞌaala teunga-unga ntaninya,
telangkai-langkai ane tebengkel-bengkel.
16 Watu teꞌumur niꞌEber 34 ntoung,
siia naꞌaala teunga langkai,
tetopenya siPeleg.
17 Touk heꞌua siꞌEber ulengi netuvu 430 ntoung,
ane naꞌaala teunga-unga ntaninya,
telangkai-langkai ane tebengkel-bengkel.
18 Watu teꞌumur niPeleg 30 ntoung,
siia naꞌaala teunga langkai,
tetopenya siRehu.
19 Touk heꞌua siPeleg ulengi netuvu 209 ntoung,
ane naꞌaala teunga-unga ntaninya,
telangkai-langkai ane tebengkel-bengkel.
20 Watu teꞌumur niRehu 32 ntoung,
siia naꞌaala teunga langkai,
tetopenya siSerug.
21 Touk heꞌua siRehu ulengi netuvu 207 ntoung,
ane naꞌaala teunga-unga ntaninya,
telangkai-langkai ane tebengkel-bengkel.
22 Watu teꞌumur niSerug 30 ntoung,
siia naꞌaala teunga langkai,
tetopenya siNahor.
23 Touk heꞌua siSerug ulengi netuvu 200 ntoung,
ane naꞌaala teunga-unga ntaninya,
telangkai-langkai ane tebengkel-bengkel.
24 Watu teꞌumur niNahor 29 ntoung,
siia naꞌaala teunga langkai,
tetopenya siTerah.
25 Touk heꞌua siNahor ulengi netuvu 119 ntoung,
ane naꞌaala teunga-unga ntaninya,
telangkai-langkai ane tebengkel-bengkel.
26 Watu teꞌumur niTerah 70 ntoung,
siia naꞌaala tolutoo teunga langkai,
heꞌua siꞌAbram,
siNahor ane siHaran.
Tebija NiTerah
27 Eini tetuturong tebija niTerah.
SiTerah heꞌua tesiama niꞌAbram,
niNahor ane niHaran.
SiHaran umai ounga langkai,
tetopenya siLot.
28 SiHaran naate eipaio siia pinoguungaa,
heꞌua teKota nuꞌUr,
tepomoiaong eitana nutoo-too nuBabilonia,
f watu siamanya ulengi netuvu.
29 SiꞌAbram nolapi siSarai,
ane siNahor nolapi siMilka teunga bengkel niHaran.
SiHaran ounga langkai ntaninya,
tetopenya siYiska.
30 SiSarai heꞌua malaung.
g Siia jio ounga.