Tebija NiNuh
(1Taw. 1:5-23)
10
1 Eini tetuturong tebija niNuh.
Siia naꞌaala tolutoo teunga tinopenya siSem,
siHam ane siYavet.
Notouk nomuntul,
siira naꞌaala teunga-unga langkai.
Tebija NiYavet
2 Teunga-unga langkai niYavet heꞌua siGomer,
siMagog,
siMadai,
siYawan,
siTubal,
siMesekh ane siTiras.
3 Tebija niGomer heꞌua siꞌAskenas,
siRivat ane siTogarma.
4 Tebija niYawan heꞌua siꞌElisa,
siTarsis,
tetoo-too niKitima ane tetoo-too niDodanim.b
5 Tebija niYavet heꞌua tebangsa sanu nesimputarec ane nomoia eipipit nudagat ane eipasig-pasig.
Tebija niYavet heꞌua najari tebangsa numboto,
umai tetana numboto,
tebasa numboto ane terururus numboto.
Tebija niHam
6 Teunga-unga langkai niHam heꞌua siKush,
siMesir,
siPut ane siKanaꞌan.
7 Tebija niKush heꞌua tetoo-too nuSeba,
nuHawila,
nuSabta,
nuRaema ane nuSabtekha.
Tebija niRaema heꞌua tetoo-too nuSyeba ane nuDedan.d
8 SiKush umai ounga langkai,
tetopenya siNimrod sanu najari tetoo sanu malangkai pabibia eijuniaa.
9 TeSiopue nonuluni siia najari tetopogubas sanu mapande.
Karna heꞌua jinaritaa,
“Sima siNimrod,
tetopogubas sanu mapande sanu tinuluni nuSiopu.”
10 Pabibia tepomarenta niNimrod eiKota nuBabel,
eiKota nuꞌErekh ane eiKota nuꞌAkad.
Tolukota heꞌua eiTana nuBabilonia.
11 Lamai ampi heꞌua siia umaꞌo eiTana nuꞌAsyur ane nongoroa tekota-kota teNiniwe,
teRehobot-Ir,
teKalah
12 ane teResen,
tekota sanu mooge eiolot nuNiniwe ane nuKalah.
13 Tebija niMesir heꞌua tetoo-too nuLudim,
nuꞌAnamim,
nuLehabim,
nuNavtuhim,
14 nuPatrusim,
nuKasluhim,
nuKavtorim.
Tetoo-too nuPilistin heꞌua tebija nutoo-too nuKasluhim.
15 Teunga-unga niKanaꞌan,
heꞌua siSidon,
sanu tesiaꞌa,
ane siHet.
16 SiKanaꞌan valii tesiopu sanu luulumai tetoo-too nuYebusi,
nuꞌAmori,
nuGirgasi,
17 nuHewi,
nuꞌArki,
nuSini,
18 nuArwadi,
nuSemari ane nuHamati.
Tebija niKanaꞌan heꞌua nesimputaref naavar,
19 jaok teonto nutana niira lamai teKota nuSidon eiselatan umaꞌo eiKota nuGerar,
jaok teKota nuGasa,
ane eitimur umaꞌo eiKota nuSodom,
eiKota nuGomora,
eiKota nuꞌAdma,
ane eiKota nuSeboim,
jaok noꞌosuk eiKota nuLasa.
20 Heꞌua jojoo tebija niHam.
Tebija niHam heꞌua najari tebangsa numboto,
umai tetana numboto,
tebasa numboto ane terururus numboto.
Tebija NiSem
21 SiSem,
tesiaꞌa niYavet,
heꞌua tesiopu sanu luulumai jojoo tetoo niꞌEber.g
22 Teunga-unga langkai niSem heꞌua siꞌElam,
siꞌAsyur,
siꞌArpakhsad,
siLud,
ane siꞌAram.
23 Teunga-unga langkai niꞌAram heꞌua siꞌUs,
siHul,
siGeter ane siMas.
24 SiꞌArpakhsad tesiama niSelah.
SiSelah tesiama niꞌEber.
25 SiꞌEber umai rotoo teunga langkai.
Teunga sanu pabibia tetope siPeleg,
h karna watu heꞌua tetoo-too eijuniaa majari neteꞌanta.
Teunga sanu ororuaaꞌonya tinope siYoktan.
26 Teunga-unga langkai niYoktan heꞌua siꞌAlmodad,
siSelev,
siHasar-Mawet,
siYerah,
27 siHadoram,
siꞌUsal,
siDikla,
28 siꞌObal,
siꞌAbimael,
siSyeba,
29 siꞌOvir,
siHawila ane siYobab.
Jojoo heꞌua teunga niYoktan.
30 Tetana tepomoiaong niira lamai teKota nuMesa jaok teSevar,
heꞌua eitana eibuut-buut eisabata nutimur.
31 Heꞌua jojoo tebija niSem.
Tebija niSem heꞌua najari tebangsa numboto,
umai tetana numboto,
tebasa numboto ane terururus numboto.
32 Jojoo heꞌua terururus nuunga-unga niNuh.
Touk teogo buntul mooge heꞌua,
jojoo tebija majari tebangsa-bangsa sanu nesimputare eijuniaa.