Tebija NiꞌAdam
(1Taw. 1:1-4)
5
1 Eini tetuturong tebija niꞌAdam.
Watu teꞌAlataꞌala nogutu temanusia,
pinogutu-Nya siira sima teꞌAlataꞌala mboto.
2 Pinogutu-Nya siira telangkai ane tebengkel.
Binarakai-Nya siira ane tinopei-Nya siira “temanusia.”
3 Watu teꞌumur niꞌAdam 130 ntoung,
siia naꞌaala teunga langkai sanu sima terupa niꞌAdam ane selilio siꞌAdam,
heꞌuapa tinopeinya siSet.
4 Touk siꞌAdam naꞌaala siSet siia ulengi netuvu 800 ntoung ane naꞌaala teunga-unga ntaninya,
telangkai-langkai ane tebengkel-bengkel.
5 Teꞌumurnya nagana 930 ntoung watu siia naate.
6 Watu teꞌumur niSet 105 ntoung,
siia naꞌaala teunga langkai,
tetopenya siꞌEnos.
7 Touk siSet naꞌaala siꞌEnos siia ulengi netuvu 807 ntoung ane naꞌaala teunga-unga ntaninya,
telangkai-langkai ane tebengkel-bengkel.
8 Teꞌumurnya nagana 912 ntoung watu siia naate.
9 Watu teꞌumur niꞌEnos 90 ntoung,
siia naꞌaala teunga langkai,
tetopenya siKenan.
10 Touk siꞌEnos naꞌaala siKenan siia ulengi netuvu 815 ntoung ane naꞌaala teunga-unga ntaninya,
telangkai-langkai ane tebengkel-bengkel.
11 Teꞌumurnya nagana 905 ntoung watu siia naate.
12 Watu teꞌumur niKenan 70 ntoung,
siia naꞌaala teunga langkai,
tetopenya siMahalaleꞌel.
13 Touk siKenan naꞌaala siMahalaleꞌel siia ulengi netuvu 840 ntoung ane naꞌaala teunga-unga ntaninya,
telangkai-langkai ane tebengkel-bengkel.
14 Teꞌumurnya nagana 910 ntoung watu siia naate.
15 Watu teꞌumur niMahalaleꞌel 65 ntoung,
siia naꞌaala teunga langkai,
tetopenya siYared.
16 Touk siMahalaleꞌel naꞌaala siYared siia ulengi netuvu 830 ntoung ane naꞌaala teunga-unga ntaninya,
telangkai-langkai ane tebengkel-bengkel.
17 Teꞌumurnya nagana 895 ntoung watu siia naate.
18 Watu teꞌumur niYared 162 ntoung,
siia naꞌaala teunga langkai,
tetopenya siHenokh.
19 Touk siYared naꞌaala siHenokh siia ulengi netuvu 800 ntoung ane naꞌaala teunga-unga ntaninya,
telangkai-langkai ane tebengkel-bengkel.
20 Teꞌumurnya nagana 962 ntoung watu siia naate.
21 Watu teꞌumur niHenokh 65 ntoung,
siia naꞌaala teunga langkai,
tetopenya siMetusalah.
22 Touk siHenokh naꞌaala siMetusalah siia netuvu netataguong concoono teꞌAlataꞌala eꞌendenya 300 ntoung ane naꞌaala teunga-unga ntaninya,
telangkai-langkai ane tebengkel-bengkel.
23 Siia netuvu eijuniaa 365 ntoung.
24 SiHenokh netuvu netataguong concoono teꞌAlataꞌala,
lamai heꞌua siia jiongo umai,
karna siia inengkato nuꞌAlataꞌala.
25 Watu teꞌumur niMetusalah 187 ntoung,
siia naꞌaala teunga langkai,
tetopenya siLamekh.
26 Touk siMetusalah naꞌaala siLamekh siia ulengi netuvu 782 ntoung ane naꞌaala teunga-unga ntaninya,
telangkai-langkai ane tebengkel-bengkel.
27 Teꞌumurnya nagana 969 ntoung watu siia naate.
28 Watu teꞌumur niLamekh 182 ntoung siia naꞌaala teunga langkai.
29 SiLamekh nonjarita,
“Teungaꞌu eini mopaꞌasanang siꞌita watu siꞌita mokarajaa movoat tetana sanu kinutuk nuSiopu.”
a Karna heꞌua siLamekh nonopei teunga heꞌua siNuh.b
30 Touk siLamekh naꞌaala siNuh siia ulengi netuvu 595 ntoung ane naꞌaala teunga-unga ntaninya,
telangkai-langkai ane tebengkel-bengkel.
31 Teꞌumurnya nagana 777 ntoung watu siia naate.
32 Watu teꞌumur niNuh 500 ntoung,
siia naꞌaala tolutoo teunga langkai,
heꞌua siSem,
siHam,
ane siYavet.