Ta rfabékbak bóténé njé, Noké ntu re gbu
10
Bo kéfétén Noké ntu re gbu né. Noké ntu né ngósnori né ta nte: Sem, Ham re Yafet. Ta Jou Lahatala nfadiré bóténé njé rewóré né, si dórén telé né rduké nturi móné.Yafeté ntu re gbu
2 Yafeté ntu né, Gomer, Magog, Madai, Yawan, Tubal, Mesek re Tiras. 3 Gomeré ntu né, Askenas, Rifat, re Togarma. 4 Yawané ntu né, kyat ta rtolén po Elisa re po Spanyol, re kyat suku Siprus, re suku Rodes. 5 Yawané ntu re gbu né rtoléné rfalóngo si po wolét lapo re po wéf-wéfé lo. Farimé ta né, Yafeté ntu re gbu. Isó-isó rdadi kyat tut po riri suku, nae ta rtolno riri pnuw re bóténé, re nae ta riri méiténé.
Hamé ntu re gbu
6 Hamé ntu né, Kus, Mesir, Libia re Kanaan. 7 Kusé ntu re gbu né, kyat suku Seba, suku Hawila, suku Sabta, suku Raema, re suku Sabteka. Raema ntu re gbu né ta kyat suku Seba né, re suku Dedane.
8-10 Kusé ntu món isó ngósno Nimrod. Jou Lahatala n-gali i se ndadi kyat ta ntingés haiwan fié. Necé ta mulo ga kyaté né bo réror barakaté, né réceg faje, “Dolo Nimrod ta ntingés haiwan fié, téroré né Jou Lahatala ma n-gali si bo rtingés haiwan fié.” Nimrodé ma ta faywóbno ndadi kyat ta ni kawasa pélóy po bóténé nje ni. Ni kawasa né sogado pnuw Babel, pnuw Erek, re pnuw Akad. (Pnuw abén tel ta néi po bótén Babilonia.)a 11 Pocé Babilonia bóngo nfan néli bótén Asyuré se nfaoslé pnuw Niniwe, pnuw Rehobot-Ir, pnuw Kala, 12 re pnuw Resen. Resené njé i po pnuw Niniwe re Kala ni fapéluné. Pnuw ta njé pnuw ta pélóy i.
13 Mesiré ntu re gbu né ga kyat suku Ludim, suku Anamin, suku Lehabim, re suku Naftuhim, 14 kyat suku Patrusim, suku Kaftorim, re suku Kasluhim. (Suku Kasluhimé, kyat Filistiné né riri gélé re gae, wes re félbaw si.)
15 Kanaané ntu ta ténlóyé njé, Sidon, re i pópo njé Heté. 16 Kanaané ntu re gbu né, kyat suku Yebusi, suku Amori, re suku Gergasi; 17 kyat suku Hewi, suku Arki, re suku Sini, 18 kyat suku Arwadi, suku Semari, re suku Hamati. Kanaané ntu re gbu nesté rfaksaké si néli re lima né fawlówo. 19 Se kyat Kanaané né riri bóténé njé i lóo né nwóm néli pnuw Sidon, re néli pnuw Gerar ta nérakno Gaza, re nélew faspal ngancóo pnuw Sodomé, pnuw Gomora, pnuw Adma, re pnuw Zeboim, néli sogado nérakno pnuw Lasa. 20 Farimé ta né, Hamé ntu re gbu. Isó-isó nae ta rtolno riri pnuw re bóténé, bóngo re nae ta re riri méiténé.
Semé ntu re gbu
21 Yafeté fténo ta nténlóyé njé, Semé, ntu re gbu sogado wes re félbawé né kyat Ibrani né. 22 Sem ntu né, Elam, Asyur, Arpaksad, Lud, re Aramé. 23 Aramé ntu re gbu né, Us, Hul, Geter, re Masé. 24 Arpaksadé njé, Sela ni papa i. Sela njé ga, Ebere ni papa i. 25 Ebere ntu món séluwé; isó ngósno Pelegé, ni ngale né ‘térfaksaké’, sababta po ngénngan-ngénngan ta né kyaté-kyat po bóténé nje ni né térfaksaké si néli re lima. Ta isó njé ga ngósno Yoktan. 26 Yoktané ntu né, Almodad, Selef, Hazar-Mawet, re Yera, 27 Hadoram, Uzal, re Dikla, 28 Obal, Abimael, re Syeba, 29 Ofir, Hawila, re Yobab. Kyaté-kyat ta né, Yoktané ntu re gbu si, nae ta riri suku. 30 Bótén ta si rtolno néi lóo po pnuw Mesa, sogado néli po pnuw Sefar po faspal ngancóo. Bótén ta njé nmamétét i. 31 Farimé ta né, Semé ntu re gbu. Isó-isó nae ta rtolno riri pnuw re bóténé, re nae ta re riri méiténé re nae ta riri suku. 32 Ta féléo i né, farimé Noké ntu re gbu, ni wes re félbaw si. Ta Jou Lahatala nfadiré keé bóténé njé rewóré, si ta rfabékbak bóténé njé nmulé né.