Esawi kpodo xwedo etɔn va yi ci Seyi
36
1 Esawi xena ye mɔ yɔ tun Edɔmu we jijimɛviye xɛn: 2 Esawi ɖe Kanatomɛ we nyɔnuviye: ɖokpo nyi Ada, xeni nyi Elɔn vyɛ nyɔnuvi, Elɔn la bo nyi Hɛti we jijimɛvi; ɖe bo nyi Oholivama xeni nyi Ana vyɛ nyɔnuvi, bo nyi dagboyɔvi Sivɛnyɔtɔn, Sivɛnyɔ la bo nyi Hivi we jijimɛvi. 3 Esawi bo mɔ ɖe Basumatu xeni nyi Isimayɛli vyɛ nyɔnuvi. Basumatu la we fofo bo nɔ nyi Nɛbayɔtu. 4 Ada ji Elifazu na Esawi, Basumatu bo ji Hlewɛli ni-i. 5 Oholivama bo ji Yewucu, Yayelamu kpodo Kola ni-i. Esawi we vikpɛ ŋusunglo xena ye ji ni-i le Kana we oto mɛ ye, e mi mɛ.6 Esawi kplɔ osyɛye, vikpɛ etɔn ŋusunglo kpodo nyɔnusiye, ɛmɛ ɖekpekpe xeni gbɛ le oxwe etɔn gbe ye, kanlin etɔn zɛtɛye kpodo onu zɛtɛye xena e ɖo le Kana we oto mɛ ye seŋu, e bo sɔn yi oto bu mɛ voo, bo dun yi le nɔvyɛ Jakɔbu wu. 7 Ɖo, dɔkun yetɔnye su gbɔɔn na ye ɔn kpewu na nɔ okpɔ, oto xe mɛ na ye le la bo hwe na kanlin yetɔnye, a do kpɔn onu, a bo ɖu. 8 Esawi bo jɛ oxwe do Seyi we okpóye mɛ. Esawi wɛ mɔ nɔ nyi Edɔmu.
Jijimɛvi Esawitɔnye xɛn
9 Esawi wɛ nyi dagbo-dagbo na Edɔmu vikpɛye, ye bo nɔ Seyi we okpóye mɛ. Esawi we jijimɛviye xɛn: 10 Esawi we vikpɛ ŋusungloye xɛn: Elifazu xeni nyi Ada Esawi syɛ we ovi ŋusunglo, kpodo Hlewɛli xeni nyi Basumatu Esawi syɛ we ovi ŋusunglo.
11 Elifazu we vikpɛ ŋusungloye nyi Tema, Oma, Sefo, Gayetamu kpodo Kenazu. 12 Timuna bo nyi Elifazu Esawi vyɛ we zyavi. E bo ji ovi ŋusunglo ɖokpo ni-i, mi wɛ nyi Amalɛki. Esawi kpodo osyɛ Ada we dagboyɔviye mɛ.
13 Hlewɛli vikpɛ ŋusungloye xɛn: Naxatu, Zela, Cama kpodo Miza. Esawi kpodo osyɛ Basumatu we dagboyɔviye mɛ. 14 Vikpɛ ŋusunglo xeye na Esawi syɛ Oholivama xeni nyi Ana vyɛ nyɔnuvi bo nyi Sivɛnyɔ we dagboyɔvi, ji ye xɛn: Yewucu, Yayelamu kpodo Kola.
15 Esawi vikpɛ ŋusungloye we xwedogaye xɛn: Elifazu, Esawi we ovi tantyan, we vikpɛ ŋusungloye we xwedogaye xɛn: Tema, Oma, Sefo, Kenazu, 16 Gayetamu, Amalɛki. Elifazu we xwedogaye mɛ le Edɔmu we oto mɛ. Ada we vikpɛ ŋusungloye mɛ.
17 Esawi vyɛ Hlewɛli we vikpɛ ŋusungloye we xwedogaye xɛn: Naxatu, Zela, Cama, Miza. Hlewɛli we xwedogaye le Edɔmu we oto mɛ, ye mɛ. Esawi syɛ Basumatu we vikpɛ ŋusungloye mɛ.
18 Esawi syɛ Oholivama we vikpɛ ŋusungloye we xwedogaye xɛn: Yewucu, Yayelamu, Kola. Esawi syɛ Oholivama xeni nyi Ana vyɛ nyɔnuvi, we vikpɛ ŋusungloye mɛ.
19 Esawi xena ye mɔ nɔ tun Edɔmu we jijimɛviye, kpodo xwedoga yetɔnye, mɛ.
20 Seyi Holi we jijimɛvi, xeni jɛ oxwe do oto la mɛ tantyan, we vikpɛ ŋusungloye xɛn: Lotanu, Covalu, Sivɛnyɔ, Ana, 21 Dicɔnnu, Ecɛ kpodo Dicannu. Holi we jijimɛviye, bo nyi Seyi vikpɛ ŋusungloye le Edɔmu we oto mɛ, ye mɛ. 22 Lotanu vikpɛ ŋusungloye bo nyi Holi kpodo Hemamu. Lotanu nɔvyɛ nyɔnusi bo nɔ nyi Timuna. 23 Covalu vikpɛ ŋusungloye xɛn: Aluvan, Manaxatu, Evalu, Sefo kpodo Onamu. 24 Sivɛnyɔ vikpɛ ŋusunlgoye xɛn: Aya kpodo Ana. Ana la wɛ kpɔn ɛsin zozo xeni tɔn sɔn nyixɔ gɔ nɔ, le zogbeji le hwexenu na e lo kplɔ otɔ we osɔkɛtɛye nɔ. 25 Ana vikpɛye xɛn: ovi ŋusunglo Dicɔnnu kpodo ovi nyɔnusi Oholivama. 26 Dicɔnnu vikpɛ ŋusungloye xɛn: Hɛmudanu, Ɛcubanu, Yitilanu kpodo Kelanu. 27 Esɛ vikpɛ ŋusungloye xɛn: Bilxanu, Zavanu kpodo Akanu. 28 Dicannu vikpɛ ŋusungloye xɛn: Wusu kpodo Alanu.
29 Holi we jijimɛvi we xwedogaye xɛn: Lotanu, Covalu, Sivɛnyɔ, Ana, 30 Dicɔnnu, Esɛ, Dicannu. Holi we jijimɛvi we xwedogaye dogbɔn hwɛndo yetɔnye ɖokpo-ɖokpo mɛ le Seyi we oto mɛ, ye mɛ.
31 Gbɔxwe na xɔlu ɖe do va ɖu oga do Izrayɛli vikpɛye ji, xɔlu xeye ni ɖu oga ɖe kplɔ ɖe do le Edɔmu we oto mɛ ye xɛn: 32 Bɛla, Bewɔ vyɛ ŋusunglo, ɖu xɔlu le Edɔmu, toxo etɔn we nyikɔ bo nyi Dinaba. 33 Bɛla la va ku, Yovabu xeni nyi Zela vyɛ ŋusunglo bo sɔn Bosra we toxo mɛ, va ɖu xɔlu do domɛ etɔn. 34 Yovabu la va ku, mi wɛ Hucamu xeni sɔn Temanutɔye we oto mɛ, bo va ɖu xɔlu do domɛ etɔn. 35 Hucamu la va ku, mi wɛ Hadadi xeni nyi Bedadi vyɛ ŋusunglo, bo ɖu xɔlu do domɛ etɔn. Emyɔ wɛ ɖu le Madyantɔye ji le Mɔwabu we oto mɛ. Toxo etɔn bo nɔ nyi Aviti. 36 Hadadi la va ku, mi wɛ Samla xeni sɔn Masuleka we toxo mɛ, ɖu xɔlu do domɛ etɔn. 37 Samla la va ku, mi wɛ Sawulu xeni sɔn otɔsisa Hlewovɔtu we akpaji, ɖu xɔlu do domɛ etɔn. 38 Sawulu la va ku, mi wɛ Balu-Hananu xeni nyi Akubɔ vyɛ ŋusunglo, ɖu xɔlu do domɛ etɔn. 39 Balu-Hananu, Akubɔ vyɛ la ku, mi wɛ Hada ɖu xɔlu do domɛ etɔn. Toxo etɔn we nyikɔ wɛ nyi Pawu. Osyɛ we nyikɔ bo nyi Mɛhetavɛli xeni nyi Mɛtrɛdi vyɛ nyɔnuvi bo nyi Mɛ-Zahavu we dagboyɔvi.
40 Esawi we xwedogaye we nyikɔ xɛn dogbɔn hwɛndo yetɔnye kpodo kansin yetɔnye nu: Timuna, Alwa, Yetɛti, 41 Oholivama, Ela, Pinɔnu, 42 Kenazu, Temanu, Mivusa, 43 Magudyɛli, Ilamu. Xwedoga Edɔmutɔnye kpodo kansin xeye mɛ na ye jɛ oxwe do ye ɖokpo-ɖokpo, le oto xeni nyi yetɔn la mɛ, e mi mɛ.
Esawi wɛ nyi dagbo-dagbo na Edɔmutɔye.