Otogun xeye ni le nyixɔ la ji ye
10
1 Xena otɔ ɖaxo la gɔ va yi vɔ, Nɔwe vikpɛ ŋusungloye, Sɛmu, Camu, kpo Jafɛti va ji ovi. Jijimɛvi yetɔnye xɛn.2 Jafɛti vikpɛ ŋusungloye xɛn: Gomɛ, Magɔgi, Madayi, Yavanu, Tubali, Mɔcɛki kpodo Tilasi. 3 Gomɛ vikpɛ ŋusungloye xɛn: Acekenazi, Hlifati kpodo Togama. 4 Yavanu vikpɛ ŋusungloye xɛn: Elica, Tasisi, Kitimu, kpodo Hlodutɔye. 5 Ɛmɛ xeye ni jɛ oxwe do ɛxutoye kpodo xeye ni jɛ oxwe do otɔdodomɛ we otoye mɛ ye, Yavanu we okunkan mɛ wɛ ye jɔ sɔn. Ye bo le oto yetɔnye ɖokpo-ɖokpo mɛ dogbɔn ogbe yetɔnye kpodo hwɛndo yetɔnye nu le otogun yetɔnye ɖokpo-ɖokpo mɛ.
6 Camu vikpɛ ŋusungloye xɛn: Kuci, Misilayimu, Puti, kpodo Kana. 7 Kuci vikpɛ ŋusungloye xɛn: Seva, Havila, Savita, Hlayema, kpodo Saviteka. Hlayema we ovi ŋusungloye xɛn: Saba kpodo Dedanu. 8 Kuci wɛ ji Nimulodu, xeni nyi ɛmɛ sinsyɛnxu tantyantɔn le nyixɔ la ji. 9 Nimulodu nyi ogbenyatɔ sinsyɛnxu ɖe le Xwetɔ Mawu we ŋukɔn. Mi wɛ dɔn ye nɔ do lɔ tun: «Ɖi Nimulodu xeni nyi ogbenyatɔ sinsyɛnxu le Xwetɔ Mawu we ŋukɔn ha.» 10 Toxo tantyan xeye mɛ na e ɖu xɔlu le ye, wɛ nyi: Babɛli, Elɛki, Akadi, kpodo Kalunɛ le Cinɛya we oto mɛ. 11 Nimulodu lɛ le oto mɛ la mɛ, bo sɔn yi Asuli we oto mɛ, bo va yi ɖo Ninivu, Hlewoboti-Ili kpodo Kala we toxoye, 12 kpo Hlesɛni we toxo xeni le Ninivu kpo Kala dodomɛ. 13 Misilayimu wɛ nyi dagbo-dagbo na ɛmɛ xeye ni le Ludu, Anɛmu, Lexavu, Nafitu, 14 Patlosu, Kasilu, kpodo Kafitɔtɔye. Kasilutɔye mɛ bɛ Filisitɔye jɔ sɔn.
15 Kana ji Sidɔn kpo Hɛti. Sidɔn bo nyi ovi tantyan etɔn. 16 Hɛti wɛ nyi dagbo-dagbo na Jebusitɔye, Amɔlitɔye, Giligasutɔye 17 Hivitɔye, Alikitɔye, Sinitɔye, 18 Alivaditɔye, Semalitɔye, kpo Hamatitɔye. E mɛ godo hwɛndo Kanatɔn gbakpe. 19 Nyixɔ yetɔn bo bɛ sɔn Sidɔn, bo gbɔn Gela, Gaza, Sodomu, Gomɔɔ, Adima, Seboyimu gbɔɔn bo va yi jɛ Leca we toxo mɛ. 20 Camu vikpɛye mɛ dogbɔn hwɛndo yetɔnye, ogbe yetɔnye, oto yetɔn ye kpodo otogun yetɔnye nu ɖokpo-ɖokpo. 21 Sɛmu xeni nyi Jafɛti we fofo can ji vikpɛ ŋusungloye. Mi wɛ nyi dagbo-dagbo na Ebɛ kpodo jijimɛvi etɔnye. 22 Sɛmu vikpɛ ŋusunglo laye xɛn: Elamu, Asu, Apakicadi, Ludi kpodo Alamu. 23 Alamu vikpɛ ŋusungloye xɛn: Wusi, Huli, Getɛ kpodo Maci. 24 Apakicadi wɛ ji Cela, Cela bo ji Ebɛ. 25 Ebɛ bo ji ŋusunglo owe: tantyan la nɔ nyi Pelɛgia, ɖo hwe etɔn nu wɛ ɛmɛye gbakpe gbɔn nyixɔ la ji. Ovi owegɔ la nɔ nyi Yokitanu. 26 Yokitanu bo ji Alimɔdadi, Celɛfu, Xasamavɛti, Yɛla, 27 Hadolamu, Uzali, Dikla, 28 Ovali, Avimayɛli, Saba, 29 Ofili, Havila, kpodo Yovavu. Yokitanu wɛ ji ye ɛmɛ mɛ zɛtɛye. 30 Oxwegbe yetɔnye bɛ sɔn Mɛca gbɔɔn do yi Sefa danhɔn, le hwezɛdo we okpóye we kansinmɛ. 31 Sɛmu we jijimɛviye mɛ, dogbɔn hwɛndo yetɔnye, ogbe yetɔnye, oto yetɔnye kpodo otogun yetɔnye nu ɖokpo-ɖokpo.
32 Nɔwe vikpɛ ŋusungloye mɛ, dogbɔn akɔta yetɔnye kpodo otogun yetɔnye nu ɖokpo-ɖokpo. Yee mɛ wɛ otogun zɛtɛye, xeni va gbakpe gbɔn nyixɔ la ji le otɔ gigɔ ɖaxo la godo ye, jɔ sɔn.