Aɖamu we okunkanye
5
1 Aɖamu we okunkanye xɛn.Hwexenu na Mawu ɖo ɛgbɛtɔ, e ɖo-e do emyɔ ŋutɔ we ninɔmɛ. 2 Ŋusunglo kpodo nyɔnusi wɛ e ɖo, bo do na ye, bo ɖo nyikɔ na ye tun ɛgbɛtɔ le hwexenu na e ɖo ye.
3 Xena Aɖamu ɖo oxwe sandi ɖokpo ota atɔn, e ji ovi ŋusunglo ɖokpo ɖi emyɔ ŋutɔ ha, ovi la bo ɖi-i, e bo ɖo nyikɔ ni-i tun Sɛti. 4 Xena Aɖamu ji Sɛti godo, e nɔ ɛgbɛ na oxwe sandi atrotɔn, e bo ji vikpɛ ŋusungloye kpodo nyɔnusiye. 5 Oxwe sandi ɛcɛnɛ ota atɔn wɛ Aɖamu nɔ ɛgbɛ na, e mɛ godo, e bo ku.
6 Xena Sɛti ɖo oxwe sandi ɖokpo ŋukun atun, e ji Enɔcu. 7 Xena Sɛti ji Enɔcu godo, e nɔ ɛgbɛ na oxwe sandi atrotɔn ŋukun acowe, e bo ji vikpɛ ŋusungloye kpodo nyɔnusiye. 8 Oxwe sandi ɛcɛnɛ ota ɖokpo ŋukun owe wɛ Sɛti nɔ ɛgbɛ na, e mɛ godo, e bo ku.
9 Xena Enɔcu ɖo oxwe kanwe owo, e ji Kenani. 10 Xena Enɔcu ji Kenani godo, e nɔ ɛgbɛ na oxwe sandi atrotɔn ota ɖokpo ŋukun atun, e bo ji vikpɛ ŋusungloye kpodo nyɔnusiye. 11 Oxwe sandi ɛcɛnɛ ŋukun atun wɛ Enɔcu nɔ ɛgbɛ na, e mɛ godo, e bo ku.
12 Xena Kenani ɖo oxwe kanɖegban, e ji Maxalalɛli. 13 Xena Kenani ji Maxalalɛli godo, e nɔ ɛgbɛ na oxwe sandi atrotɔn ota ɛnɛ, e bo ji vikpɛ ŋusungloye kpodo nyɔnusiye. 14 Oxwe sandi ɛcɛnɛ ota ɖokpo wɛ Kenani nɔ ɛgbɛ na, e mɛ godo, e bo ku.
15 Xena Maxalalɛli ɖo oxwe kanɖeko atun, e ji Yelɛdi. 16 Xena Maxalalɛli ji Yelɛdi godo, e nɔ ɛgbɛ na oxwe sandi atrotɔn ota atɔn, e bo ji vikpɛ ŋusungloye kpodo nyɔnusiye. 17 Oxwe sandi atrotɔn ota ɛcɛnɛ ŋukun atun wɛ Maxalalɛli nɔ ɛgbɛ na, e mɛ godo, e bo ku.
18 Xena Yelɛdi ɖo oxwe sandi ɖokpo ota ɛdɛn ŋukun owe, e ji Enɔku. 19 Xena Yelɛdi ji Enɔku godo, e nɔ ɛgbɛ na oxwe sandi atrotɔn, e bo ji vikpɛ ŋusungloye kpodo nyɔnusiye. 20 Oxwe sandi ɛcɛnɛ ota ɛdɛn ŋukun owe wɛ Yelɛdi nɔ ɛgbɛ na, e mɛ godo, e bo ku.
21 Xena Enɔku ɖo oxwe kanɖeko atun, e ji Matusalɛmu. 22 Xena Enɔku ji Matusalɛmu godo, e zɔn kpodo Mawu na oxwe sandi atɔn, e bo ji vikpɛ ŋusungloye kpodo nyɔnusiye. 23 Enɔku nɔ ɛgbɛ na oxwe sandi atɔn ota ɛdɛn ŋukun atun. 24 Enɔku zɔn kpodo Mawu, ɛmɛ ti ko mɔ va kpɔn-ɛ, ɖo, Mawu kɔ-ɛ do sɔn yi e kɔn.
25 Xena Matusalɛmu ɖo oxwe sandi ɖokpo ota atrotɔn, e ji Lemɛki. 26 Xena Matusalɛmu ji Lemɛki godo, e nɔ ɛgbɛ na oxwe sandi acowe ota atrotɔn ŋukun owe, e bo ji vikpɛ ŋusungloye kpodo nyɔnusiye. 27 Matusalɛmu nɔ ɛgbɛ na oxwe sandi ɛcɛnɛ ota ɛdɛn ŋukun ɛcɛnɛ.
28 Xena Lemɛki ɖo oxwe sandi ɖokpo ota atrotɔn ŋukun owe, e ji ŋusunglovi ɖokpo. 29 E bo ɖo nyikɔ ni-i tun Nɔwe, e bo lɔ tun mɔ: «Ɛmɛ xe na fa oji na mí le vivɛsise xeye na alɔnudan sinsyɛnxu míatɔnye lo dɔn va na mí nɔ mɛ, le nyixɔ xena Xwetɔ Mawu do onu la ji.» 30 Xena Lemɛki ji Nɔwe godo, e nɔ ɛgbɛ na oxwe sandi atun ota ɛcɛnɛ ŋukun atun, e bo ji vikpɛ ŋusungloye kpodo nyɔnusiye. 31 Lemɛki nɔ ɛgbɛ na oxwe sandi acowe ota acowe ŋukun acowe, e mɛ godo, e bo ku.
32 Xena Nɔwe ɖo oxwe sandi atun, e ji ŋusunglo atɔn, ye wɛ nyi Sɛmu, Camu kpodo Jafɛti.