Abhaimërërri abhabhërë abha Waryobha
11
Mbe,
nkahaanwa umunyaamunsi ghono ghwaarë kya orotanka urwa okorengera obhotambë.
Nkatëëbhibhwa igha,
“Kaghi orenge mu-nyumba iya Waryobha,
na ahasë aha ukumwensera.
Kora obhare abhantö bhonswe igho bhano bhakosaasaama muyö.
2 Kasi otakaarenga öbhööri ubhwa inyumba iya Waryobha,
ko bhoora bhuyö,
mbo Abhakyaro bhategherwa.
Bhakyaro bhayö,
mbaretasha Yërusarëëmu umughi ömöhörëëru ghuyö,
ku-ribhagha irya imyëri merongo ene na ibhërë.
3 Nendaatome abhaimërërri abhaane bhabhërë,
bhano ndaahaane obhotoro ubhwa okokora öbhörööti sinsikö ëkëkwë ëkëmwë amaghana abhërë na merongo esansabha.
Abhaimërërri bhayö,
nurinyoora bhaibhöhirë singibho isya amaghonera,
ukwörökya igha bhasorombaayë.”
Sinsikö siyö,
nsengʼana kya imyëri merongo ene na ibhërë.
4 Abhaimërërri abhabhërë bhayö,
në-mëzëituuni ëbhërë na ebhetangora bhibhërë ibhya okotoora-ko setara,
seno sekobha mbere iya Omonene Waryobha ono akotonga ekebhara.a
5 Hano ömöntö wowonswe oora akaatunirë okobhanyahaara,
nakaaitirwë na omorro ghono ghukurwa mu-minywa ighya abhaimërërri bhayö.
Ni-igho arikwa ömöntö wowonswe igho ono arituna okobhanyahaara.
6 Abhaimërërri bhayö,
mbaana ubhwera ubhwa okokaania imbura etakaatwa enkaagha eno bhakokora öbhörööti.
Na enkaagha yoyonswe igho eno bharaatune,
bharatora ukusyörya amanshë ghabhe amaanyinga na okoreeta inyanko yoyonswe eera ko-kebhara kono.
7 Hano bharemara ukwimererra engʼana iya Waryobha,
ughutyënyi ghoora ghwaariinirë ukurwa mu-bhwina ubhwa mu-kyaro ikya abhaku,
nguriitana nabho.
Ngorebhakera,
ghobhaite.
8 Ibhihundughu ibhya abhaimërërri bhayö,
nurinyoora bheraayë ko-mohanda ughwa umughi omonene ughwa Yërusarëëmu.
Umughi ghuyö,
n-goora Omonene uwaabho yaahanëkirwë-mo ko-mosarabha.
Eteemo iyaagho n-kya iya umughi ughwa Sodoma na ikyaro ikya Miisiri.
9 Abhantö abha ibhyaro bhyonswe igho,
abha amakabhira ghonswe igho,
abha sihiiri syonswe igho na ebheghambo bhyonswe igho ekebhara ikighima,
mbaremaaherra ibhihundughu bhiyö ibhya abhaimërërri abhabhërë bhayö,
ku-sinsikö isatö na ritënë.
Taaho ömöntö ono arikërërribhwa igha abhabheeke.
10 Uruku urwa abharööti abhabhërë bhayö,
ndoreghera abhantö ko-kebhara bhashomerwe,
bhakore inyangi kora bhatuhane.
Mbarekora igho ko bhoora abharööti bhayö,
bhaanyankëri bhököngʼu abhantö bhano bhataakumyanga Waryobha ko-kebhara kono.
11 Hano sinsikö isatö siyö na ritënë syaahööyë,
Waryobha akabhahuuha umwika ughwa öbhöhöru,
bhakabha abhahöru,
bhakeemoka.
Bhonswe igho bhano bhaabharööshë,
bhakoobhoha bhököngʼu.
12 Abharööti bhayö,
bhakaighwa engamba enene erarwera mu-ryobha,
eraghamba igha,
“Muushe ighörö eno!”
Mbe,
bhakaghya mu-ryobha bharëngë ku-risaarö na eno abhabhisa abhaabho bharabhamaaherra.
13 Enkaagha iyöiyö,
kekabha-ho ikirighiti ekenene,
kora rokasareka orobhaara örömwë urwa ikömi urwa umughi ghonswe igho.
Kirighiti kiyö,
kyaaghërrë abhantö ëbhëkwë muhungatë,
bhakakwa na abhandë bhonswe igho bhano bhaatighaayë,
bhakoobhoha,
bhakatöönia Waryobha uwa mu-ryobha.
14 Motamaaha,
ikyateko ikya kabhërë,
këhööyë,
ikyateko ikya katatö haangʼë kërë kiishe.
Maraika uwa muhungatë arahuuta orotera urwaye
15 Mbe,
maraika uwa muhungatë akahuuta orotera urwaye.
Ho naaighuurë sengamba sindito mu-ryobha iyö,
seno syaaghambanga igha,
“Öbhötöngi ubhwa ekebhara
bhobhaayë mo-mabhoko agha Omonene Waryobha uwëëtö
na Kiristo uwaaye ono yaashaaghööyë ökötöörya abhantö.
Omonene Waryobha,
naraatonge amakora ghonswe igho.”
16 Ho abhaghaaka merongo ëbhërë na abhane,
bhano bhaarenga bhaikaayë ku-bhitumbë ibhyabho mbere iya Waryobha,
bhakatema hansë ibhiru bhakasaasaama Waryobha
17 bharaghamba igha,
“Torakukumya Omonene Waryobha uwa obhotoro bhwonswe igho,
ono ooho,
waare-ho ukurwa okosemoka.
Ko bhoora ko obhotoro ubhwaho obhonene,
bhoono nkotonga örë.
18 Abhakyaro bhaakörërërrëëyë,
kasi bhoono enkaagha iya ikisiiyomba ihikirë.
Bhoono ne-nkaagha iya okobhotorra ikiina abhaku.
Yo enkaagha iya ukutuha abhaköri abha emeremo abhaaho abharööti,
abhantö abhaaho bhonswe igho bhano bhakösöökirë,
abha ibhyeo na bhano bhataana ibhyeo.
Eno yo enkaagha iya ukusikya
abhantö bhonswe igho bhano bhakosarya ekebhara.”
19 Mbe,
ekesaku ikya okosohera mu-risengerro irya Waryobhab mu-ryobha iyö,
kekeghorwa.
Risandeko irya Imuuma iya Waryobha,
c rekamaahekana mu-nyumba iya Waryobha.
Nkamaaha örömësyö na nkaighwa ikirumo ikya enkobha.
Ikyaro kekarighita,
ekatwa imbura iya righörö ririto.