Waryobha aratöönibhwa mu-ryobha
4
Hano ghayö ghaahööyë,
nkarekera amaiso ighörö.
Ë!
Nkamaaha ekesaku kighökirë mu-ryobha!
Mbe,
engamba kya iya orotera eno yaantëëbhëri ekembere,
a ghwiki akaghamba igha,
“Nshö,
riina kighörö eno,
okore nkwöröki amangʼana ghano gharëngë igha,
ni-igha ghabhe hano ghayö gharaahwe.”
2 Kamwë igho,
Umwika Ömöhörëëru akanyitoomera,
nkamaaha ikitumbë ikya ekekama mu-ryobha iyö,
kikarëëywë.
3 Uyö yaaikaayë-ko,
yaamekamekanga bhököngʼu kya amaghena agha öbhöghöri agha erangë enkangaaru inshiiya.
Ikitumbë kiyö,
nkyaarenga kiinaarrwë na riitë irya abhaasi,
reno ryaamëkirëmëkirë bhököngʼu kya amaghena agha öbhöghöri agha erangë iya urunyënyi.
4 Bhyaare-ho ibhitumbë ibhyëndë ibhya ekekama merongo ëbhërë na bhine,
bhiinaarrë ikitumbë ikya ekekama ikya mbere keera.
Ku-bhitumbë bhiyö,
bhaaikaaye-ko abhaghaaka merongo ëbhërë na abhane.
Bhaibhöhirë singibho sendabhu na ibhirighi ibhya ekekama ibhya esahaabhu ko-metwe.
5 Ikitumbë ikya ekekama kiyö,
kyaamësyanga na okobhaghatya kya enkobha.
Mbere iyaakyo haara,
bhyaare-ho ëbhëmörë muhungatë bheno bhyookanga.
Ëbhëmörë bhiyö,
ni-Miika muhungatë bhaara abha Waryobha.
6 Mbere iya ikitumbë haara,
kyaare-ho ëkëntö kenga inyansha iya ikyowa.
Ëkëntö kiyö kyaatuubhaini kya reghena reno rekomekameka bhököngʼu.
Ghatëghatë iya ikitumbë ikya ekekama na abhaghaaka bhayö,
bhyaare-ho ëbhëntö ibhine bheno bhekoheeshera.
Ëbhëntö bhiyö bhyaarë mbaara syonswe igho.
Bhyaarë na amaiso ahasë honswe igho.
7 Ikya mbere,
nkyaatuubhaini na ëndwë,
ikya kabhërë kyaatuubhaini na ekeghaini ikya engʼombe,
ikya katatö kyaarë na ekesosa ikya ömöntö,
na ikya kane kyaatuubhaini na ritöönyi reno rikwibhurruka.
8 Ëbhëntö ibhine bheera bhekoheeshera,
mbyaarë na amabhabha asansabha.
Amabhabha ghaara,
ghaarë na amaiso ahasë honswe igho.
b Ëbhëntö bhiyö bhyaarëëtyanga ubhutikö na omobhasö,
tibhyakiranga hë.
Bhyaarëëtyanga igha,
“Ömöhörëëru,
Ömöhörëëru,
Ömöhörëëru,
no-Monene Waryobha uwa obhotoro bhwonswe igho,
c
ono aaho,
ho yaarë ukurwa okosemoka, nanyabhoono ho arë.”
9 Ëbhëntö ibhine bhiyö bhekoheeshera,
bhyaatöönianga,
bherasooka na ukukumya oora yaaikaayë ku-kitumbë ikya ekekama,
ono aaho amakora ghonswe igho.
10 Enkaagha eno Waryobha yaakumibhwanga na ëbhëntö bheno bhekoheeshera bheera,
abhaghaaka merongo ëbhërë na abhane bhakaighwësya hansë bhubhuumaayë ko-maghörö aghaaye,
bhakasaasaama Waryobha ono aaho amakora ghonswe igho.
Kora mbyaaruusyanga ibhirighi ibhyabho ibhya ekekama bherabhetoora mbere iya ikitumbë ikya ekekama keera na eno bheraghamba igha,
11 “Omonene uwëëtö,
Waryobha uwëëtö,
wingʼarëëyë ökötöönibhwa,
okosookwa na okobha na obhotoro bhwonswe igho.
Ko bhoora nu-uwe waabhömbirë ëbhëntö bhyonswe igho,
ëbhëntö bhiyö mbyaabhömbirwë ko okohansha ukwaho,
kora höbhërë.”