Amangʼana Amaiya agha Yëësu Kiristo
kya igho ghaandëkirwë na
Maariko
Yohana arasëëmërya Yëësu enshera
1
Kono nko okosemoka ukwa Amangʼana Amaiya agha Yëësu Kiristo,
a Omoona uwa Waryobha.b
2 Ömörööti Isaaya yaandëkirë mo-ketabho ikyaye igha,
“Tamaaha,
nendaatome umuhiri uwaane uwa amangʼana,
ono araakösëëmëri enshera.c
3 Umuhiri uwa amangʼana uwaane uyö,
we arekonganga ku-riköngö igha,
‘Mösëëmëri Omonene Waryobha enshera,
mokore bhuuya ahasë hano araahete! ’d”
4 Umuhiri uwa amangʼana uyö,
yaabherekerwanga igha,
Yohana Omobhatiisya.
Mbe,
Yohana uyö akaraarekera abhantö ku-riköngö iyö igha,
bhahongore ëbhëbhë ibhyabho,
bhabhitighe,
bhabhatiisibhwi,
okore Waryobha abhaabhere ëbhëbhë ibhyabho.
5 Abhantö abhaaru ukurwa mu-mughi ughwa Yërusarëëmue na mo-mokowa ughwa Yudea ghonswe igho,
bhakaghya ku-Yohana.
Yohana akabhabhatiisya mo-mooro ughwa Yorodani,
na eno bharaghamba harabhu igho ëbhëbhë ibhyabho.
6 Yohana yaatooranga singibho isya amabhuri agha ityënyi eno ekobherekerwa igha engamia.
Yaaibhohanga orokobha urwa riseero mo-bhokende.
Ibhyakorya ibhyaye bheno yaaryanga,
n-singighë na öbhöökë.
7 Yohana yaaraarekanga araghamba igha,
“Ömöntö naraashe nyuma iyaane,
ono aana obhotoro konkera.
Kora öni tiningʼarëëyi ukwihiinya ndamutighinkanera kya omoghorwa,
ndatashora siinuugha isya ebheraatö ibhyaye.f
8 Öni na-manshë nkobhabhatiisirya,
kasi umwene uyö,
narebhabhaatiisya na Umwika Ömöhörëëru.”
Okobhatiisibhwa na ukushaashwa ukwa Yëësu ku-riköngö
9 Sinsikö siyösiyö igho,
Yëësu akarwa mu-mughi ughwa Nazarëëti,
mo-mokowa ughwa Ghariraaya,
akaghya ku-Yohana.
Yohana akamobhatiisya mo-mooro ughwa Yorodani.
10 Hano Yëësu yaaibhokanga ukurwa mo-manshë,
akamaaha mu-ryobha hahönyökirë,
na Umwika Ömöhörëëru akamwitoomera kya ikighuuti.
11 Engamba ekarwera mu-ryobha,
ekaghamba igha,
“Uwe no-Moona uwaane omoghonshe örë,
ono ököntëghërya bhököngʼu.”
12 Hayöhayö igho,
Umwika Ömöhörëëru akatangata Yëësu ukughya ku-riköngö.
13 Akabha-yo sinsikö merongo ene,
arashaashwa na Oghosambwa.
g Yaarenga hamwë na sityënyi isya mwi-sisi.
Abhamaraika ukurwa ku-Waryobha mbaamutighinkaneranga.
Abheegha bhano Yëësu yaashaaghööyë urwa mbere
14 Sekaheta-ho sinsikö sinsharu,
Yohana akahirwa mo-kebhohe.
h Hano yaarenga mo-kebhohe,
Yëësu akaghya mo-mokowa ughwa Ghariraaya.
Akabha araraareka Amangʼana Amaiya agha Waryobha.
15 Hano yaaraarekanga,
yaaghambanga igha,
“Enkaagha eno yaaröötirwë,
ihikirë.
Obhokama ubhwa Waryobha n-haangʼë bhörë.
Mbe,
ni-igha mohongore ëbhëbhë ibhyënyu,
na mukumi Amangʼana Amaiya ghayö.”
16 Urusikö urwöndë hano Yëësu yaahetanga mbareka iya inyansha iya Ghariraaya,
akamaaha Simööni bhaana mura uwaabho enda ëmwë,
ono yaabherekerwanga igha Anderea.
Bhaarenga na emetegho ighyabho bharategha sinswë,
ko bhoora m-batëghi bhaarë.
17 Yëësu akabhatëëbhya igha,
“Monsoorane,
mobhe abheegha abhaane.
Nendaabhëëghi ököghöötya abhantö,
kya bhono mwaarë ököghöötyanga sinswë.”
18 Kamwë igho,
bhakatigha hayö emetegho ighyabho,
bhakasoorana Yëësu.
19 Hano yaaghëëyë mbere hake igho,
hamwë na abheegha abhaaye abhabhërë bhayö,
akamaaha Yaakobho bhaana mura uwaabho omoke ono yaabherekerwanga igha Yohana,
bhayö m-bamura abha Zebhedaayo bhaarë.
Bhaarenga mu-bhwato bharasobhoora emetegho ighyabho.
20 Këmwë igho,
akabhabherekera igha bhamosoorane,
bhabhe abheegha abhaaye.
Bhakatigha hayö suwaabho na abhaköri abha emeremo abhaaye mu-bhwato muyö,
bhakasoorana Yëësu.
Yëësu araata risambwa ukurwa kö-möntö
21 Mbe,
Yëësu na abheegha abhaaye abhane bhayö,
bhakaghya Kaperenaumu.
Hano urusikö urwa Obhotooroi rwaahikirë,
bhakasoha mu-nyumba iya esango iya Abhayahudi,
j Yëësu akasimya ukwëghya.
22 Abhantö bhonswe igho bhano bhaamwitegherranga,
bhakaroghoora kya bhono yëëghyanga.
Keno kyaaghërrë bhakaroghoora,
m-boora Yëësu atëëghyanga kya abhëëghya abha amaraghërryö agha Mosa.
k We yëëghyanga kya ömöntö ono aana obhotoro ukurwa ku-Waryobha.
23 Mu-nyumba iyö iya esango iya Abhayahudi,
yaare-mo ömöntö uwa risambwa,
kamwë igho ömöntö uyö akakonga igha,
24 “Uwe Yëësu uwa Nazarëëti,
n-kë ukututuna-ko?
Kasi wishirë igha utusiki?
Nenkomanyirë igha,
uwe nö-Möhörëëru uwa Waryobha örë.”
25 Yëësu akahamera risambwa riyö igha,
“Ukire kiri,
urwe kö-möntö ono!”
26 Risambwa riyö rekasingisya bhököngʼu ömöntö uyö,
rekakuura bhököngʼu,
rekamurwa-ko.
27 Abhantö bhonswe igho bhakaroghoora bhököngʼu,
bhakabhoorania igha,
“Bhamurë eno ne-ngʼana kë?
Amëëghyö amahya ghayö,
ngaana ubhwera!
Ghwiki,
maaha,
aana obhotoro ubhwa okohamera amasambwa,
kora agheene ghonswe nkumwighwera gharë.”
28 Ryaahëtirë ibhagha ike igho,
abhantö abha mo-mokowa ughwa Ghariraaya ghwonswe igho,
okanyoora bhaaighuurë amangʼana agha Yëësu.
Yëësu arahwënia abhantö
29 Yëësu na abheegha abhaaye,
Simööni,
Anderea,
Yohana na Yaakobho,
bhakarishoka ukurwa mu-nyumba iya esango iyö,
bhakaghya ka waabho Simööni na Anderea.
30 Ni-igho bhaahikirë igho,
Yëësu akatëëbhibhwa igha,
nyakubhyara waabho Simööni nkö-bhörrë arë,
araayë,
aröörrë ehooma.
31 Mbe,
Yëësu akamusuntarra,
akamoghoota okobhoko,
akamöghörrökya.
Enkaagha iyöiyö nyakubhyara uwaabho Simööni akahwena ehooma,
akasimya okobhatighinkanera.
32 Urusikö ruyöruyö hano Obhotooro bhwaahööyë,
l ko-moghoroobha,
abhantö abha mu-mughi muyö,
bhakareetera Yëësu abharööyë abhaaru,
na bhano bhaarë na amasambwa.
33 Abhantö abhaaru ukurwa mu-mughi ghuyö,
bhakasikanera kö-bhööri ubhwa inyumba iyaabho Simööni na Anderea.
34 Yëësu akahwënia abharööyë abha amarööyë hagharë hagharë.
Ghwiki,
akaata amasambwa amaaru,
kasi tiyaaghategheranga umweya ughwa okoghamba engʼana yoyonswe igho,
ko bhoora ngaamanyirë igha,
Yëësu m-Moona uwa Waryobha.
Yëësu araghya okosaasaama kinyabhubhise
35 Hano bhwaakëëyë,
Yëësu akamuta nyinkyo shiri,
akaghya ahasë hano abhantö bhatarë,
akasimya okosaasaama.
36 Mbe,
Simööni na bharikyaye bhakaghya ukumutuna.
37 Hano bhaamunyöörrë,
bhakamötëëbhya igha,
“Abhantö abhaaru bhaishirë,
nu-uwe bhakutuna!”
38 Kasi Yëësu akabhahonshora igha,
“Toghende mu-bhishishi ibhyëndë bheno bhërëngë haangʼë na hano,
okore ndaareke iyö honswe,
ko bhoora emeremo ghiyö ngyo ghyaandeeta.”
39 Mbe,
akabha araghenda mo-mokowa ghonswe igho ughwa Ghariraaya,
arëëghya mu-sinyumba isyabho siyö isya esango,
na ukwata amasambwa ko-bhantö.
Yëësu arahwënia omoghenge
40 Urusikö urwöndë omoghengem yaaishirë ku-Yëësu,
akamotemera hansë ibhiru,
akamosaasaama igha,
“Hano oraahanshe,
oratora ukunhwënia mbe na esaabhuuro iya ikidiini!”
41 Yëësu akamwabhera,
akarambora okobhoko ukwaye,
akakunia omoghenge uyö.
Akamötëëbhya igha,
“Ni-igho nkutuna igha uhwene,
obhe na esaabhuuro iya ikidiini.”
42 Kamwë igho,
omoghenge uyö akahwena,
akarama.
43 Yëësu akamuruusya-ho bhöngöbhöngö,
44 aramokangʼasërrya igha,
“Otakaatëëbhya ömöntö wowonswe oora amangʼana ghano.
Kasi,
kaghi wiyöröki kö-mösëngërin uwa Waryobha.
Oghende okore ikimwenso ikya okorama ukwaho,
kya bhono Mosa yaaghambirë igha,
abhaghenge bhano bharamirë obhoghenge bhakorenga igho,
okore abhasëngëri hamwë na abhantö abhandë,
bhamaahe bhono Waryobha akökörëëyë.”
45 Kasi hano ömöntö uyö yaatanööyë ukurwa hayö,
akasimya okoraareka amangʼana agha ukuhwena ukwaye kera ahasë.
Ku bhuyö Yëësu akataamibhwa kya bhono araasohenga mu-mughi ghoghonswe igho ghoora,
o abhantö bhatamörööshë.
Akabha araikara ahasë hano abhantö bhatarë,
nokaanyoora igha ni-igho yaarë,
kasi abhantö mbaashanga ku-Yëësu ukurwa hasë honswe igho.