Amangʼana agha ömörööti
Yoona
Obhotangati
Yaare-ho ömörööti uwa Waryobha mu-kyaro ikya Isiraëri ono yaabherekerwanga igha Yoona, mura uwa Amitai uwa ekesaku ikya Abhazabhurööni. Ömörööti uyö yaare-ho enkaagha eno omokama Yerobhoamu uwa kabhërë yaatonganga ikyaro ikya Isiraëri keno kebhatirë orobhareka urwa ghöösi (2 Abhakama 14:25). Abhantö abha ikyaro ikya Siria m-babhisa abha Abhaisiraëri bhaarë ku-ribhagha ritambë. Ikyaro ikya Siria kyonswe kyabhatirë ghöösi. Mbe, Waryobha akatoma Yoona aghende mu-mughi omonene ughwa ikyaro ikya Siria, ghono ghwaabherekerwanga igha Ninaawi. Ko bhoora abhantö abha muyö bhaakörrë obhoghogho, akaghya okobhakaania.
Eketabho keno nkutwörökya kërë igha, örööbhö urwa Waryobha nko-bhantö abha ebheghambo bhyonswe igho rörë. Ghwiki nkutwëghya kërë igha engʼana eno Waryobha asëëmëri tekorebherrwa na ömöntö hë. Ekembere, Yoona yaangirë engʼana iya Waryobha. Kasi akakamba akaikërrya, akatomwa, akaghya okokora bhono Waryobha yaatunanga. Hano Yoona yaarë iyö, yaarëërëëyë bhököngʼu, ko bhoora Waryobha yaabhëëyë Abhaninaawi, abhantö bhano bhaarë abhabhisa abha Abhaisiraëri.