Urwebhoro urwa Esaau
36
Rono ndo urwebhoro urwa Esaau,
ono yaabhërëkëëywë igha Ëdöömu.
2 Esaau yaatëtirë abhakari mo-Bhakaanaani,
Ada na Öhöribhama.
Ada m-mwisëkë uwa Ërööni yaarë,
uwa mu-kyaro ikya Abhahiti.
Öhöribhama,
we m-mwisëkë uwa Ana,
umwisëkë uwa Sibheoni Umuhivi.
3 Kora yaatëtirë Bhasemaati umwisëkë uwa Ishimaëri,
mwisëkë uwaabho Nebhayööti.
4 Ada akeebhorra Esaau omoona ono yaarökirwë igha Ërifazi.
Bhasemaati akeebhora omoona ono yaarökirwë igha Rëuëri.
5 Öhöribhama,
akeebhora abhaana abhatatö,
Yëushi,
Yaramu na Koora.
Abhaana bhayö bhonswe igho,
mbo Esaau yaaibhörëëyë mu-kyaro ikya Kaanaani.
6 Hano Esaau yaamarrë,
akaghegha bhakaaye,
abhaana abhaaye abha ikishaasha na abha ekekari,
na abhantö bhonswe igho abha waaye.
Akaghegha situgho isyaye syonswe igho,
kora akamanora kera ëkëntö keno yaarenga anyöörrë mu-kyaro kiyö ikya Kaanaani.
Akangʼaanyera mu-kyaro ikyëndë,
keno kyaarë hare na Yaakobho wamwabho.
7 Keno kyaaghërrë akangʼaanya,
n-ko bhoora ëbhëntö ibhyabho bhyaaruhirë.
Ikyaro kiyö bhaarenga bhamënyirë-mo kya abhaghëni,
kekabhasuuha okoneebhera-mo situgho isyabho.
8 Mbe,
Esaau uyö akobherekerwa iriina iryëndë igha Ëdöömu,
akaghya akamenya mu-singuku isya mu-kyaro keno kyaabherekerwanga igha Sëiri.
9 Rono ndwo urwebhoro urwa Esaau,
suwaabho Abhaëdöömu,
abhamënyi abha mu-singuku isya Sëiri.
10 Ghano na-mariina agha abhaana abha Esaau,
Ërifazi yaaibhööywë na Ada mokaa Esaau,
na Rëuëri akeebhorwa na Bhasemaati mokaa Esaau.
11 Amariina agha abhaana abha Ërifazi n-ngaano,
Temani,
Omaari,
Seefo,
Ghatamu na Kenazi.
12 Ërifazi yaarë na momaigha uwaaye,
iriina iryaye igha,
Timuna.
Akamwebhorra omoona uwa ikishaasha,
iriina iryaye Amarëëki.
Bhayö bhonswe igho,
m-böshökörö abha Esaau ko mokaaye Ada.
13 Amariina agha abhaana abha Rëuëri,
n-ngaano,
Nahaati,
Zeera,
Shama na Miza.
Bhayö bhonswe igho,
m-böshökörö abha Esaau ko mokaaye Bhasemaati.
14 Amariina agha abhamura abhatatö bhano Öhöribhama mwisëkë uwa Ana,
ömöshökörö uwa Sibheoni yëëbhörëëyë Esaau,
ni-igha,
Yëushi,
Yaramu,
na Koora.
15 Ghano ngo amariina agha bhano bhaabhaayë abhatangati abha ukurwa mu-rwebhoro urwa Esaau.
Ërifazi ono yaarë omotangi uwa Esaau,
we yaaibhööyë Temani,
Omaari,
Seefo,
Kenazi,
16 Koora,
Ghatamu na Amarëëki.
Kera ömwë uwaabho,
we yaabhaayë omotangati uwa ekabhira iyaaye umwene ku-kyaro ikya Ëdöömu,
na bhayö bhonswe igho,
na-bhaana abha Ërifazi,
mura wa Ada.
17 Amariina agha abhamura abha Rëuëri omoona uwa Esaau,
abhöshökörö abha Bhasemaati,
n-gaano,
Nahaati,
Zeera,
Shama na Miza.
Kera ömwë uwaabho,
we yaabhaayë omotangati uwa ekabhira iyaaye umwene ku-kyaro ikya Ëdöömu.
18 Urwebhoro urwa Öhöribhama,
mokaa Esaau,
m-baabho Yëushi,
Yaramu,
na Koora.
Kera ömwë uwaabho,
we yaarë omotangati uwa mu-kyaro ikyaye.
Bhayö bhonswe igho,
m-baana abha Öhöribhama,
umwisëkë uwa Ana bhaarë.
19 Bhayö bhonswe igho mbo abheebhorwa abha Esaau ono yaabhërëkëëywë igha,
Ëdöömu.
Kera ömwë uwaabho,
we yaabhaayë omotangati uwa ekabhira iyaaye.
Urwebhoro urwa Sëiri
20 Abhaana abha Sëiri,
Ömöhöri,
abhamënyi abha mu-kyaro ikya Ëdöömu,
m-baabho Rotaani,
Shobhaari,
Sibheoni,
Ana,
21 Dishööni,
Ësëëri na Dishaani.
Kera ömwë uwaabho,
yaabhaayë omotangati uwa ekabhira iya Abhahöri,
abheebhorwa abha Sëiri,
mu-kyaro ikya Ëdöömu.
22 Abhaana abha Rotaani,
m-baabho Höri na Hemamu.
Timuna m-mwisëkë wa Rotaani yaarë.
23 Abhaana abha Shobhaari m-baabho Arivaani,
Manahaati,
Ebhaari,
Shefo na Onaamu.
24 Abhaana abha Sibheoni,
mbaarë Aya na Ana.
Ana uyö,
we yaangʼurrë eseeka iya amanshë agha omorro kö-këköngö hano yaarëësyanga sitikërë isya Sibheoni,
suwaabho.
25 Abhaana abha Ana,
mbaarë Dishööni na Öhöribhama mwisëkë uwaabho.
26 Abhaana abha Dishööni,
mbaarë Hemudaani,
Ëshibhaani,
Itarani na Kerani.
27 Abhaana abha Ësëëri,
m-baabho Bhirihani,
Zaawani na Akaani.
28 Abhaana abha Dishaani,
mbaarë Usi na Araani.
29 Bhano,
mbo bhaarë abhatangati abha Abhahöri,
m-baabho Rotaani,
Shobhaari,
Sibheoni,
Ana,
30 Dishööni,
Ësëëri na Dishaani.
Kera ömwë uwa bhayö,
yaarë omotangati uwa ekabhira iyaaye iya Abhahöri mu-kyaro ikya Sëiri.
Abhakama abha mu-kyaro ikya Ëdöömu
31 Bhano na-bhakama bhano bhaasimiri okotonga ku-kyaro ikya Ëdöömu,
ukusimirya enkaagha eno waanyöörrë Isiraëri etaraatongwa na omokama wowonswe oora.
32 Bheera omoona uwa Bhëëhööri,
we yaasimiri okotonga mu-kyaro ikya Ëdöömu.
Ubhwikari ubhwaye ekenene,
mmu-mughi ughwa Dinihabha bhwaarë.
33 Hano Bheera uyö yaakuurë,
Yobhaabhu omoona uwa Zeera,
uwa umughi ughwa Bhosira,
akatonga ikyaro kiyö.
34 Hano Yobhaabhu wonswe yaakuurë,
Huushamu uwa mu-kyaro ikya Abhateemaani,
akatonga ikyaro kiyö.
35 Hano Huushamu wonswe yaakuurë,
Hadaadi omoona uwa Bhedaadi akatonga.
Ubhwikari ubhwa Hadaadi uyö,
ekenene bhwaarë mu-mughi ughwa Aviti.
Akabhaitania na okokera Abhamiidiani mu-kyaro ikya Mowabhu.
36 Hano Hadaadi wonswe yaakuurë,
Samura uwa umughi ughwa Masireka,
akatonga.
37 Hano Samura yaakuurë,
Shauri uwa ukurwa umughi ughwa Rehobhoti,
ghono ghwaarë haangʼë na omooro ughwa Eufurati,
akatonga.
38 Hano Shauri yaakuurë,
Bhaari-hanaani omoona uwa Akibhööri,
akatonga.
39 Hano Bhaari-hanaani omoona uwa Akibhööri yaakuurë,
Hadaadi akatonga.
Hadaadi uyö yaamënyirë Pau.
Mokaaye yaabherekerwanga igha,
Mehetabhëëri mwisëkë uwa Matirëdi,
möshökörö uwa Mezahaabhu.
40 Bhano mbo abhatangati abha eka iya Esaau,
okorengʼaana na ekesaku na ekeghambo ikya imighi ighyabho,
Timuna,
Ariva,
Yëtëti,
41 Öhöribhama,
Era,
Pinoni,
42 Kenazi,
Temani,
Mibhusari,
43 Maaghidiëri na Iraamu.
Bhayö mbo abhatangati abha amakabhira agha Ëdöömu,
okohetera ku-Esaau suwaabho Abhaëdöömu.
Imighi gheno bhaamënyirë-mo,
ghekabherekerwa amariina aghaabho.