Yaakobho arangʼaanyera Bhëëtëëri
35
Urusikö öröndë,
Waryobha akatëëbhya Yaakobho igha,
“Nö-öni Waryobha ono yaaköbhööshökëëyë,
hano waangʼosanga omonene uwaaho Esaau.
a Tanora,
ughi wikare Bhëëtëëri.
Onhaghaashere-yo riighyö irya amaghena.”
2 Mbe,
Yaakobho akatëëbhya abhantö abhaaye,
na bhonswe igho bhano bhaamënyirë hamwë nawe igha,
“Motabhute hare iyö ëbhëtöndö ibhya amasambwa amaghëni ghonswe igho ghano moonagho,
mwisaabhuure.
Musyöri singibho isyënyu,
motoore isyëndë.
3 Ho toraamare,
toghende Bhëëtëëri,
ngende kohaghaashera-yo Waryobha riighyö irya amaghena.
Waryobha uyö,
we yaantöörri enkaagha eno naarenga nsyanyirë.
Ko bhoora we yaantangatanga kera ahasë hano naaghyanga.”
4 Mbe,
bhakakomania ëbhëtöndö ibhya amasambwa amaghëni ghano bhaarë nagho ghonswe igho,
hamwë na ibhipuri ibhya ko-matwë,
bhakahaana Yaakobho.
Yaakobho,
akabhetokera hansë,
kö-mötë ughwa umwarööni,
ghono ghörëngë Shëkëëmu.
5 Bhakeemoka,
bhakarwa iyö.
Mbe,
enkaagha eno Yaakobho yaaghendanga na abhantö abhaaye bhonswe igho,
Waryobha akahahya abhantö abha mu-mighi gheno ghyaaheegheraini nabho,
bhakahaha,
tebhaakarëhirë okobhasoorana hë.
6 Yaakobho na abhantö abhaaye bhakahika Ruzu,
mu-kyaro ikya Kaanaani.
Iriina iryëndë irya Ruzu ni-igha Bhëëtëëri.
7 Hano bhaahikirë hayö,
Yaakobho akahaghaasha-ho riighyö irya amaghena,
akahabherekera igha Ëri-bhëëtëëri,
b ko bhoora hayö ho Waryobha yaaihönyööyë ko-we,
hano yaangʼosanga omonene uwaaye Esaau.
8 Mbe,
ko-nkaagha iyö,
yo ömörëri uwa Rebheka ono yaabherekerwanga igha Debhoora,
akakwa,
akabheekwa haangʼë na ömötë ughwa umwarööni,
okobhata orobhareka urwa syömya iya Bhëëtëëri.
Ahasë hayö,
Yaakobho akahabherekera igha,
Arööni-bhakuti.c
9 Hano Yaakobho,
yaakyörrë mu-kyaro ikya Padani-aramu,
ghwiki Waryobha akamobhooshokera,
kora akamongʼoora.
10 Waryobha akamötëëbhya igha,
“Iriina iryaho nu-uwe Yaakobho.
Kasi tobherekerwenga ghwiki iriina riyö hë,
bhoono,
iriina iryaho noraabherekerwenga igha Isiraëri.”
Akamoroka igha,
Isiraëri.
11 Waryobha akamötëëbhya ghwiki igha,
“Öni nö-öni Waryobha uwa obhotoro bhwonswe igho.
Obhe na urwebhoro urwaru urwa okokera hayö,
ko bhoora,
mu-rwebhoro urwaho,
mo keraarwere ikyaro ekenene,
na ibhyaro ibhyaru,
hamwë na abhakama.
12 Ikyaro keno naahaana Ibhurahimu na Isaaka,
nkyo ndaakohaane uwe na urwebhoro urwaho.”
13 Hano Waryobha yaamarrë ukushumaasha na Yaakobho,
akamutigha hayö.
14 Mbe,
Yaakobho akaimërrya ahasë hayö umutimö ughwa reghena irya ekemanyërryö,
ko bhoora,
ho Waryobha yaashumaashanga nawe.
Akaghongʼoora,
akaghohomerra amarwa agha emezabhibhu agha ikimwenso na amaghuta.
15 Ahasë hayö,
Yaakobho akahabherekera igha,
Bhëëtëëri.d
Ukwebhora korahinana Raahëëri
16 Yaakobho na abhantö abhaaye bhonswe igho,
bhakaghëndërrya na oroghendo urwabho,
urwa ukurwa Bhëëtëëri.
Hano bhaarenga bhataraahika Efurati,
ebhesa ëbhërörö,
ibhya ukwebhora,
bhekaghoota-ko Raahëëri.
17 Na hano yaarenga akinyankibhwa na ebhesa bhiyö,
umwëbhörya uwaaye,
akamötëëbhya igha,
“Otakoobhoha,
ko bhoora unyöörrë ghwiki omoona uwöndë uwa ikishaasha.”
18 Hano Raahëëri yaangʼatirë ukukwa,
akaroka omoona uyö igha Bhënöni.
e Kasi suwaabho akamoroka igha,
Bhenjamini.f
19 Mbe,
Raahëëri akakwa,
akabheekwa haangʼë na enshera iya ikughya Efurati.
Ahasë hayö,
ho reero eno hakobherekerwa igha Bhëtërëhëëmu.
20 Yaakobho akatokera umutimö ughwa reghena ko-mbeehera iyaaye,
na wanyareero reghena riyö nkwörökya rërë hano Raahëëri yaabhëëkirwë.
Abhamura abha Yaakobho
21 Isiraëri akaghëndërrya na oroghendo urwaye.
Hano yaahikirë haangʼë na omonara ughwa Ëdëri,
akatoora-ho righutu iryaye.
22 Hano Isiraëri yaamënyirë hayö,
omoona uwaaye Ruubhëëni akaraara na Bhiriha,
momaigha uwa suwaabho.
Isiraëri akaighwa amangʼana ghayö.
Yaakobho uyö,
yaarë na abhamura ikömi na bhabhërë.
23 Abhaana abha ikishaasha abha Rea,
Ruubhëëni motangi uwaaye,
Simeoni,
Raawi,
Yuuda,
Isakaari na Zabhurööni.
24 Abhaana abha ikishaasha abha Raahëëri n-Yusufu na Bhenjamini.
25 Abhaana abha ikishaasha abha Bhiriha,
ono yaarë omoghorwa uwa ekekari uwa Raahëëri,
n-Daani na Nafutaari.
26 Abhaana abha ikishaasha abha Ziripa,
ono yaarë omoghorwa uwa ekekari uwa Rea,
n-Ghaadi na Asheeri.
Bhayö bhonswe igho,
m-bamura abha Yaakobho bhano bhaaibhörëëywë mu-kyaro ikya Padani-aramu.
Isaaka arakwa
27 Yaakobho akakyora Mamure,
ku-Isaaka suwaabho,
haangʼë na umughi ughwa Kiriati-aribha,
ghono ghokobherekerwa igha,
Hëbhurööni.
Hayö ho Ibhurahimu bhaana Isaaka bhaarenga bhamënyirë.
28 Isaaka yaahikiri imyoka ighana imwë na merongo monaane.
29 Isaaka yaaikaayë bhuuya ko-kebhara kono.
Yaakuurë aghötirë këmwëkëmwë,
akaghya ko-bhakörö abhaaye.
Esaau na Yaakobho,
abhaana abhaaye,
bhakamobheeka.