Yaakobho araisëëmya ukusikana na Esaau
32
Mbe,
Yaakobho wonswe akaghëndërrya na oroghendo urwaye.
Akasikana na abhamaraika abha Waryobha ko-nshera kuyö.
2 Hano yaabharööshë,
akaghamba igha,
“Reno n-dijeeshi irya Waryobha!”
Ku bhuyö,
ahasë hayö akahabherekera igha,
Mahanaimu.a
3 Yaakobho akatoma abhahiri abha amangʼana abhaaye,
bhamotangatere ukughya ku-Esaau mura uwaabho.
Esaau yaamënyirë Sëiri,
mu-kyaro ikya Ëdöömu.
4 Yaakobho akatëëbhya abhahiri abha amangʼana abhaaye igha,
“Moghende mötëëbhi omonene uwaane Esaau igha,
‘Ömököri uwa emeremo uwaaho Yaakobho,
araghamba igha,
“Naaikara kebhara wa Raabhaani,
nanyabhoono.
5 Neena sengʼombe,
sitikërë,
amangʼöndi,
sëmböri na abhaghorwa abha ikishaasha na abha ekekari.
Bhoono ndakoreetera amangʼana ghayö,
ko bhoora keno nkutuna,
no-morembe ku-uwe omonene uwaane.”’”
6 Abhahiri abha amangʼana bhayö,
bhakaghya.
Hano bhaakyörrë bhakatëëbhya Yaakobho igha,
“Twaahikirë ku-wamwënyu Esaau,
wonswe nko-nshera arë,
araasha kukuturungʼana,
hamwë na abhantö abhashaasha amaghana ane.”
7 Mbe,
hano Yaakobho yaaighuurë amangʼana ghayö,
akoobhoha bhököngʼu,
akabha na irinyantarëki.
Akabhotokania abhantö bhano yaarë nabho,
bhabhe amakomo abhërë.
Kora amangʼöndi,
sëmböri,
sengʼombe na sengamia,
bhyonswe akabhyahokania bhekabha amakomo abhërë.
8 Yaakanyanga igha,
“Hano Esaau araashe na akömbi rikomo rimwë,
iryëndë reratora kohona.”
9 Mbe,
Yaakobho akasaasaama igha,
“Ëë Waryobha uwa ghuuka Ibhurahimu,
na taata Isaaka,
nu-uwe YEHOBHA Waryobha ono waantëëbhëri igha,
nkyore mu-kyaro ikyane,
ko abha wëëtö,
okaghamba igha,
noraankorre amangʼana amaiya.
10 Öni tiningʼarëëyi okokorrwa ubhuuya,
kya bhono waankorra öni ömököri uwa emeremo uwaaho.
Maaha hano naambökirë omooro ughwa Yorodani,
tenaarenga na ëkëntö hë,
ukutigha inyimbo iyeene igho.
Kasi bhoono oramaaha neena amahisho abhërë.
11 Öni ndakosabha igha,
öntööri ukurwa mo-mabhoko agha wamwëtö Esaau,
ko bhoora nkumwobhoha ndë igha,
aratora köndöönia,
anyite hamwë na bhakaane na abhaana abhaane.
12 Kasi waandaghaini okonkorra bhuuya na ukwaruhya urwebhoro urwane kya omosense ughwa ku-nyansha,
ghono ömöntö ataatore okobhara.”
13 Ubhutikö bhuyö,
Yaakobho akaraara hayö.
Mbe,
akashaaghora situgho isya okohaana omonene uwaaye Esaau,
ukurwa mö-bhëntö bheno yaarë nabhyo.
14 Yaashaaghööyë sëmböri senkari amaghana abhërë,
na seghorohe amaghana abhërë,
amangʼöndi amakari amaghana abhërë,
na amaghuruki merongo ëbhërë,
15 sengamia senkari merongo etatö hamwë na ëbhëmööri ibhyasyo,
sengʼombe senkari merongo ene na seghaini ikömi,
sitikërë senkari akaghegha merongo ëbhërë na seghaini ikömi.
16 Bhiyö bhyonswe igho,
akaghöötya-ko abhaghorwa abhaaye,
kera ömwë na rihisho iryaye,
akabhatëëbhya igha,
“Montangoore na motegherane umweya ughwa rihisho na rihisho iryëndë.”
17 Akatëëbhya oora yaatangatirë igha,
“Hano oraashe usikane na wamwëtö Esaau,
aköbhööri igha,
‘Uwe m-moghorwa uwa wë örë?
Hai ukughya?
Na situgho seno ni-isya wë?’
18 Hayö uwe mohonshore igha,
‘Situgho seno ni-isya omoghorwa uwaaho Yaakobho,
akörëëtëëyë uwe omonene uwaaye.
Na umwene ni-nyuma hayö arë,
araasha.’”
19 Yaakobho akaraghërrya oora yaarë na rihisho irya kabhërë,
na uwa irya katatö,
akatëëbhya bhonswe igho bhano bhaarë na amahisho ghayö igha,
“Hano moraasikane na Esaau,
mömötëëbhi ighoigho.
20 Motakeebha ökömötëëbhya igha,
‘Omoghorwa uwaaho Yaakobho,
ni-nyuma hayö arë araasha.’
” Yaakobho yaakörrë igho,
ku ukwitegherra igha,
“Ko bhono ntangatëri ekerabhya amaiso,
hano nakamaahane nawe,
aratora ukunnyikërrya.”
21 Ku bhuyö,
akatangatya ekerabhya amaiso kiyö,
kasi we ubhutikö bhuyö,
akaraara haarahaara.
Yaakobho arakiinana na Waryobha
22 Ubhutikö bhuyöbhuyö,
Yaakobho akabhooka,
akaghegha bhakaaye bhabhërë,
na abhaghorwa abhaaye Ziripa na Bhiriha,
na abhaana abhaaye ikömi na ömwë,
akabhaambökya ukughya humbu iya omooro ughwa Yabhöki,
hano yaamarrë,
akakyora.
23 Akaraghërrya igha,
ëbhëntö ibhyaye bhyonswe igho,
bhyambökibhwi.
24 Kasi Yaakobho akatighara umwene igho humbu.
Ho ömöntö nyabhorebhe yaaishirë hayö yaarë,
akakiinana nawe igha tëtëtëtë,
okohekera hano bhwaakëëyë.
25 Hano ömöntö uyö yaarööshë igha takere Yaakobho hë,
akaghoota Yaakobho mu-nyonga nsë iya ikiimo,
Yaakobho akabherenshoka ikiimo ikyaye.
26 Mbe,
ömöntö uyö akaghamba igha,
“Untighe ngende bhökëëyë.”
Kasi Yaakobho akamohonshora igha,
“Tinkutighe oghende igho otaraanngʼoora!”
Yaakobho arahomerana na Waryobha
27 Ömöntö uyö,
akamöbhöörya igha,
“Iriina iryaho,
nu-uwe nawë?”
Yaakobho akamohonshora igha,
“Iriina iryane nö-öni Yaakobho.”
28 Ömöntö uyö akamötëëbhya igha,
“Tobherekerwenga ghwiki igha,
Yaakobho hë,
kasi noraabherekerwenga igha Isiraëri,
b ko bhoora ukinaini na Waryobha na abhantö,
ökërrë.”
29 Mbe,
Yaakobho wonswe akamötëëbhya igha,
“Ndakosabha öntëëbhi iriina iryaho.”
Kasi,
ömöntö uyö akamohonshora igha,
“N-kwakë ökömböörya iriina iryane?”
Akamongʼoora.
30 Ku bhuyö,
Yaakobho akabherekera ahasë hayö igha,
Pënuëri,
c akaghamba igha,
“N-ko bhoora,
homeraini na Waryobha kasi tinkuurë hë!”