30
Mbe,
hano Raahëëri yaarööshë igha we takwebhorra Yaakobho omoona röndë hë,
akakorra rihari mohara uwaabho ömöntö mökörö Rea uyö.
Akatëëbhya Yaakobho igha,
“Hano otanyibhöri-ko abhaana,
omanye igha nendaakwe!”
2 Yaakobho akarererra Raahëëri,
akamohonshora igha,
“Tëndëngë Waryobha hë.
Waryobha we yaakorebherra ukwebhora.”
3 Raahëëri akamötëëbhya igha,
“Ghegha Bhiriha omoghorwa uwaane uwa ekekari,
unyebhorre-ko abhaana,
okore öni ntakaaheta bhosa igho!”
4 Mbe,
Raahëëri akamohaana omoghorwa uwaaye abhe mokaaye.
Yaakobho akaghabhora Bhiriha,
akaraara nawe.
5 Bhiriha akëëmökya enda,
akeebhorra Yaakobho omoona uwa ikishaasha.
6 Raahëëri akaghamba igha,
“Waryobha ankörëëyë bhuuya,
aighuurë ikikuuro ikyane,
angʼaayë omoona uwa ikishaasha.”
Ku bhuyö,
akamoroka igha Daani.a
7 Bhiriha,
omoghorwa uwa ekekari uwa Raahëëri,
ghwiki akaimökya enda iyëndë,
akeebhorra Yaakobho omoona uwa kabhërë uwa ikishaasha.
8 Raahëëri akaghamba igha,
“Nahambaini na mohara uwëëtö ömöntö mökörö,
kora mmökërrë!”
Akamoroka omoona uyö igha,
Nafutaari.b
9 Hano Rea yaarööshë igha takwebhora ghwiki hë,
akaghegha Ziripa omoghorwa uwaaye uwa ekekari,
akahaana Yaakobho abhe mokaaye.
10 Ziripa uyö,
akeebhorra Yaakobho omoona uwa ikishaasha.
11 Rea akaghamba igha,
“Ebhaayë ebhahati nshiiya!”
Ku bhuyö akamoroka igha Ghaadi.c
12 Ghwiki Ziripa omoghorwa uwa ekekari uwa Rea,
akeebhorra Yaakobho omoona uwa kabhërë uwa ikishaasha.
13 Rea akaghamba igha,
“Nshömëëywë,
kora abhakari bharikyane,
mbaraamberekerenga igha,
nyakushomerwa.”
Akamoroka igha Asheeri.d
14 Enkaagha iya righesa irya engano yaarenga ebhaayë,
Ruubhëëni akaghya kö-möghöndö,
akanyoora sehagho seno senga kya senswaigha.
e Akareetera nyakuwaabho.
Raahëëri akatëëbhya Rea igha,
“Ndasabha ongʼaane-ko sehagho siyö omoona uwaaho akörëëtëëyë.”
15 Kasi Rea akamohonshora igha,
“Nkokanya örë igha,
ghano waankorra m-make agha ukunduusya umushaasha?
Na bhoono oratuna ogheghe kora sehagho isya omoona uwaane?”
Raahëëri wonswe akamohonshora igha,
“M-buuya oghambirë,
kasi hano orangʼaana-ko sehagho siyö omoona uwaaho akörëëtëëyë,
reero Yaakobho,
m-mwaho araashe okoraara.”
16 Hano Yaakobho yaakyörrë ko-moghoroobha ukurwa kö-möghöndö,
Rea akamuturungʼana,
akamötëëbhya igha,
“Reero,
m-mwane oraaraare.
Nköghörrë ko-sehagho seno senga kya senswaigha,
seno omoona uwaane andëëtëëyë.”
Mbe,
ubhutikö hano bhwaahikirë,
Yaakobho akaghya akaraara mwa Rea.
17 Waryobha akaighwa ikikuuro ikya Rea.
Rea akaimökya enda,
akeebhorra Yaakobho omoona uwa kataano uwa ikishaasha.
18 Rea akaghamba igha,
“Waryobha anhakirë,
ko bhoora naahaayë mushaasha uwaane omoghorwa uwaane uwa ekekari!”
Akamoroka omoona uyö igha,
Isakaari.f
19 Rea ghwiki akaimökya enda,
akeebhorra Yaakobho omoona uwa ikishaasha,
uwa kasansabha.
20 Akaghamba igha,
“Waryobha angʼaayë ituho inshiiya!
Na bhoono,
mushaasha uwaane,
naraansooke,
ko bhoora namwibhörrëëyë abhaana abha ikishaasha bhasansabha.”
Akaroka omoona uyö igha Zabhurööni.g
21 Ko okomarërrya Rea akeebhora omoona uwa ekekari akamoroka igha Diina.
22 Ho Waryobha yaamarrë akahiitoka Raahëëri wonswe.
Akaighwa ikikuuro ikyaye,
akamohaana urwebhoro.
23 Raahëëri akaimökya enda,
akeebhora omoona uwa ikishaasha.
Akaghamba igha,
“Oroghendo rono,
Waryobha anduusiiyi-ho sënsöni isyane!”
24 Akaroka omoona uyö igha,
Yusufu,
h akaghamba igha,
“YEHOBHA Waryobha anyëngëri omoona uwöndë uwa ikishaasha.”
Ubhwamë ubhwa Yaakobho
25 Hano Raahëëri yaamarrë ukwebhora Yusufu,
Yaakobho akatëëbhya Raabhaani igha,
“Unyikërërri nkyore ka,
mu-kyaro ikya wëëtö.
26 Ngʼaana abhakari abhaane na abhaana abhaane,
bhano naanyoora ko okokorra emeremo.
Uwe umwene nomanyirë kya igho naabhanyoora ko okokora emeremo ighyaho,
ku bhuyö,
unyikërërri ngende nabho.”
27 Kasi Raabhaani akamötëëbhya igha,
“Ndakosaasaama wikare tangata!
Ubhukumu ubhwane bhöntëëbhëri igha,
YEHOBHA Waryobha yaanngʼoora okohetera ku-uwe.
28 Ntëëbhya ehoorohooro eno ukutuna,
nendaakohake.”
29 Yaakobho akamötëëbhya igha,
“Uwe umwene nomanyirë bhono naakutighinkanera,
na ko okohetera ku-öni,
nomanyirë situgho isyaho bhono syaaruha.
30 Enkaagha eno naarenga ntaraasha,
ëbhëntö m-beke waarë nabhyo,
kasi bhuyö naahika waaho hano,
YEHOBHA Waryobha akakongʼoora,
ëbhëntö bhekaaruha bhököngʼu.
Bhoono ni-igha nangarre amangʼana agha abhantö abhaane umwene.”
31 Raabhaani akamöbhöörya igha,
“N-kë ukutuna nkohaane?”
Yaakobho akamohonshora igha,
“Tinkutuna ongʼaane ëkëntö kyokyonswe keera hë.
Kasi hano oraankorre engʼana eno ndaakötëëbhi,
nendaakonaghëri situgho isyaho.
32 Ndasabha unyikërërri nsohe mu-situgho isyaho,
naahore-mo amangʼöndi agha amahara na amasharabhushë,
amangʼöndi amamwamu,
na sëmböri isya amahara na amasharabhushë.
Iyö yo eraabhe ehoorohooro iyaane.
33 Hano oraashe ukwitaaha situgho,
ho obhoheene ubhwane bhoramaahekana harabhu igho.
Hano oraanyoore mwi-hisho iryane,
sëmböri seno setaana amahara handë amasharabhushë,
handë amangʼöndi ghano ghatarë amamwamu hano gharemaahekana mwi-hisho iryane,
ebhe igha,
ninkwëbhëëyë.”
34 Raabhaani akamohonshora igha,
“Nikërëëyi bhuyö oghambirë.”
35 Kasi urusikö ruyö,
Raabhaani umwene akaghya mu-situgho isyaye muyö,
akaahora-mo,
amaghorohe ghonswe agha amasharabhushë na amahara,
sëmböri senkari seno syaarë na amahara na amasharabhushë.
Akaahora kera itugho eno yaarë na obhorabhu kö-möbhërë ughwako,
na amangʼöndi amamwamu ghonswe igho.
Akaahora syonswe igho siyö,
akaghöötya bhamura abhaaye bhasenaghi.
36 Raabhaani na bhamura abhaaye,
bhakaiherekerra nasyo ukurwa ku-Yaakobho hayö,
oroghendo urwa sinsikö isatö.
Yaakobho akatighara arakaraabherra situgho isya Raabhaani.
37 Mbe,
Yaakobho akaghegha sëntë sëmbësë,
ko-masagharya agha ëmëtë ighya omoghoroka na agha ömöröözi,
bheena agha umwaramööni.
Akasishontora amakanda,
obhorabhu bhokamaahekana.
38 Yaakobho yaaghëghirë sëntë siyö,
akasetoora mbareka iya amatubha,
hano situgho syaashanga ukunywa amanshë,
serabhoorrokera senkari.
39 Mbe,
situgho seno syaahokanga mbere iya sëntë siyö,
n-syeebhoranga situgho nyankööri,
nyamasharabhushë bheena isya amahara.
40 Yaakobho akaiyahorra ebhemaanwa ibhya amangʼöndi bhiyö.
Na hano situgho isya Raabhaani syaahikanga-ho ukwahoka,
Yaakobho akabha arasebhatya mu-sya amasharabhushë na mu-simwamu moora,
okore syebhore amangʼöndi agha amasharabhushë na agha ubhumwamu.
Situgho isyaye sekaghëndërrya ukwaruha,
tiyasishooghaini na isya Raabhaani hë.
41 Hano situgho syaanörrë,
sekabhorokerrwa,
Yaakobho akatoora sëntë seera mu-ritubha haara syaanyweranga amanshë,
okore sebhohorre kö-sëntë hayö.
42 Kasi mu-situgho sentaaniinu,
tiyaatöörrë-mo sinyimbo siyö hë.
Mbe,
Raabhaani akabha na situgho sentaaniinu,
na Yaakobho akabha na situgho sënöru.
43 Ku bhuyö Yaakobho akaameha bhököngʼu!
Akabha na amangʼöndi na sëmböri sinsharu,
sitikërë na sengamia,
hamwë na abhaghorwa abhaaye abha ekekari na abha ikishaasha.