28
Mbe,
Isaaka akabherekera Yaakobho,
akamongʼoora,
akamoraghërrya igha,
“Otakaateta omokari uwa mu-kyaro ikya Kaanaani.
2 Kasi oghende mu-kyaro ikya Padani-aramu,
mo-eka iya Bhëtuëri,
suwaabho nyakuwëënyu,
otete ömwë mo-bhaisëkë abha maamë uwëënyu Raabhaani.
3 Waryobha uwa obhotoro bhwonswe igho,
akongʼoore!
Obhe na urwebhoro urwaru bhököngʼu,
unyoore ehamatë enene iya abhantö.
4 Waryobha akongʼoore uwe hamwë na urwebhoro urwaho,
kya bhoora yaangʼoora Ibhurahimu.
Yaahaayë Ibhurahimu ikyaro keno uwe oomo bhoono igho,
kya ömöghëni,
kasi nkeraabhe ikyaho.”
5 Mbe,
Isaaka akatoma Yaakobho,
ukughya Padani-aramu,
ko-Raabhaani mura uwa Bhëtuëri,
Umwaraamu,
mura uwaabho Rebheka,
nyakuwaabho Yaakobho na Esaau.
Esaau arateta omokari uwöndë
6 Esaau akamaaha igha,
Isaaka angʼöörrë Yaakobho,
kora amötömirë mu-kyaro ikya Padani-aramu,
okore atete-yo omokari.
Mbe,
akangʼura igha,
hano Isaaka yaangʼöörrë Yaakobho,
yaamokaanëri atakaateta umwisëkë ukurwa mo-Bhakaanaani
7 na Yaakobho yaaighwërëëyë suwaabho na nyakuwaabho,
akaghya Padani-aramu.
8 Mbe,
Esaau akamaaha igha,
suwaabho takushomerwa na abhaisëkë abha ikyaro ikya Kaanaani hë.
9 Ku bhuyö Esaau akaghya wa Ishimaëri mura uwa Ibhurahimu,
akateta Maharati,
umwisëkë uwa Ishimaëri kora m-mohara uwaabho Nebhayööti yaarë.
Ekerooto ikya Yaakobho
10 Hano Yaakobho yaaruurë Bhëëri-sheebha,
akabhata Haraani.
11 Hano yaahikirë ahasë nyabhorebhe,
iryobha rekaitubhirya.
Akaghegha hayö reghena,
akasaghora-ko omotwe ughwaye,
akaraara-ho.
12 Hano yaarenga araayë,
akaroota igha,
aramaaha obhoreenero bhwimëriibhwi,
bhotashirë ku-rirobha,
na eno ensonga iyaako ihikirë mu-ryobha.
Akamaaha abhamaraika abha Waryobha bharariina,
na ukwika ko-bhoreenero kuyö.
13 YEHOBHA Waryobha umwene yaarenga aimërëëyë ko-bhoreenero kuyö,
akamötëëbhya igha,
“Öni nö-öni YEHOBHA,
Waryobha uwa ghuuka wëënyu Ibhurahimu,
na Waryobha uwa Isaaka.
Ikyaro keno oraayë-ko,
nendaakohaane uwe hamwë na urwebhoro urwaho.
14 Urwebhoro urwaho,
ndoraaruhe kya urutu urwa ko-kebhara,
kora ndoraanyaraghane kobhata mbaara syonswe igho,
röghörö na nyansha,
ghöösi na syömya.
Nendengʼoora abhantö abha ibhyaro bhyonswe igho okohetera ku-uwe na urwebhoro urwaho.
15 Ighwa nkötëëbhi!
Öni hamwë ndë na uwe,
nendaakorende ahasë hohonswe igho,
hano oraaghinga,
kora nköhönshöki ku-kyaro keno.
Tinkutighe röndë hë,
kora nendaahekerani ghayö nkötëëbhëri.”
16 Ho yaamarrë,
akabhooka ukurwa mo-seetero,
akaghamba igha,
“Obhoheene,
ahasë hano YEHOBHA Waryobha ho arë!
Iyö ne-ngʼana eno ntaarë mmanyirë.”
17 Ku bhuyö akoobhoha,
akaghamba igha,
“Ahasë hano,
nkööbhöhya harë bhököngʼu!
Ndamanya igha,
hano,
ho ahasë aha Waryobha,
na hano ho ikihiita ikya okosohera mu-ryobha kërë.”
18 Yaakobho akabhooka nyinkyo shiri,
akaghegha reghena reera yaaisaghööyë,
akariimërrya bhöröngë kya intimö,
akarehomerra amaghuta.a
19 Ahasë hayö,
akahabherekera igha Bhëëtëëri,
b kasi kare umughi ghuyö,
ngwaamanyekaini igha Ruzu.
20 Hano Yaakobho yaamarrë,
akaihiimirrya araghamba igha,
“Hano Waryobha oraabhe hamwë na öni,
ondende,
ontangate ko-roghendo urwane,
ongʼaane ibhyakorya na singibho,
21 kora nkyore bhwaheene ka ko-taata,
hayö ho uwe YEHOBHA oraabhe Waryobha uwaane.
22 Na reghena reno nimërëëyi hano kya intimö,
nderaabhe inyumba iya okokosaasaamera-mo Waryobha.
Na kera ëkëntö keno oraangʼaanenga,
obhoheene nendakuruusiringa-ko ikitweno ikya ikömi.”