Ukunyaraghana ukwa abhantö ko-kebhara
10
Hano ëhöörö iya amanshë yaahööyë,
abhaana abha Nuhu,
bhaabho Shëëmu,
Haamu na Yafëëti,
abheene bhonswe bhakeebhora.
Rono ndwo urwebhoro urwabho.
2 Urwebhoro urwa Yafëëti,
m-baabho Ghömëri,
Maghööghu,
Madai,
Yavani,
Tubhaari,
Mesheki na Tirasi.
3 Urwebhoro urwa Ghömëri,
na-bhantö abha Ashikenazi,
Rifaati na Togharima.
4 Urwebhoro urwa Yavani na-bhantö abha Ërisha,
Tarishishi,
Kitimu na Dodanimu.
5 Okohetera ko-bhantö bhayö bhonswe igho,
abhantö bhakanyaraghana kö-sëngëghëni isya inyansha,
bhakabha na ebheghambo ibhyabho na ebhesaku ibhyabho,
na ibhyaro ibhyabho.
6 Urwebhoro urwa Haamu m-baabho Kuushi,
Miisiri,
Puti na Kaanaani.
7 Urwebhoro urwa Kuushi na-bhantö abha Seebha,
Havira,
Sabhuta,
Raama na Sabhuteka.
Urwebhoro urwa Raama na-bhantö abha Shebha na Dedaani.
8 Kuushi yaaibhööyë omoona uwöndë igha,
Nimuröödi.
Nimuröödi uyö,
we yaabhaayë ömötöngi omokarë uwa mbere,
ko-kebhara kyonswe igho.
9 YEHOBHA Waryobha,
yaamökörrë akabha omokarë uwa ukughwema sityënyi.
Kiyö nkyo kyaaghërrë ekabha-ho engamba igha,
“Ömöntö ono ni-igha Nimuröödi,
ko bhoora YEHOBHA Waryobha,
we akömötöörrya okobha na obhokarë ubhwa ukughwema sityënyi.”
10 Imighi gheno yaasimiiyi-mo obhokama ubhwaye,
ni-ighya Bhaabhëëri,
Ërëki,
Akadi na Karine,
ku-kyaro ikya Shinari.a
11 Nimuröödi yaangʼaanyirë ukurwa mu-kyaro kiyö,
akaghya okomenya mu-kyaro ikya Ashuuru.
Akahaghaasha-yo imighi ighya Ninaawi,
Rehobhoti-iri,
Kara
12 na Reseeni.
Umughi ughwa Reseeni ngo ghörëngë ghatëghatë iya Ninaawi na Kara,
ghuyö ngo umughi omonene.
13 Urwebhoro urwa Miisiri,
Abharudi,
Abhaanami,
Abharehabhi,
Abhanafituhi,
14 Abhakafutöri,
Abhapaturusi na Abhakasiruhi.
Abhakasiruhi bhayö mbo esemoko iya Abhafirisiti.
15 Urwebhoro urwa Kaanaani n-Siidööni omotangi uwaaye,
na Hiti.
16 Ghwiki abhantö abhaaye abhandë,
na-Bhayëbhuusi,
Abhaamööri,
Abhaghirighaashi,
17 Abhahivi,
Abhaariki,
Abhasini,
18 Abharivadi,
Abhasemari na Abhahamati.
Mbe,
amakabhira ghayö ghonswe igho agha Abhakaanaani,
ghakanyaraghana.
19 Ahasë aha ikyaro ikyabho,
hasimiryanga Siidööni okobhata Gheraari okohekera Ghaza.
Omare ghwiki obhate Sodoma,
Ghomora,
Adima,
Sebhoyimu okohekera Rasha.
20 Ruyö ndwo urwebhoro urwa Haamu,
ko-bheghambo ibhyabho,
ko-bhesaku ibhyabho,
na ku-bhyaro ibhyabho.
21 Shëëmu,
ömöntö mökörö ku Yafëëti,
we yaarë ghuuka uwaabho abhaana bhonswe igho abha Ëbhëëri.
22 Urwebhoro urwa Shëëmu m-baabho Eramu,
Ashuuru,
Arifakisadi,
Rudi na Araamu.
23 Urwebhoro urwa Araamu na-bhantö abha Usi,
Huri,
Ghëtëri na Mashi.
24 Arifakisadi we suwaabho Seera,
Seera akeebhora Ëbhëëri.
25 Ëbhëëri akeebhora abhaana bhabhërë abha ikishaasha,
omoona uwaaye omotangi akamoroka igha,
Përëghi,
b ko bhoora ko-nkaagha iyö abhantö abha ko-kebhara bhaahokaini.
Mura uwaabho Përëghi akarokwa igha Yokotaani.
26 Urwebhoro urwa Yokotaani na-bhantö abha Arimodadi,
Shërëfu,
Hasarimawëti,
Yera,
27 Hadoramu,
Uzari,
Dikira,
28 Obhari,
Abhimaëri,
Seebha,
29 Öfiiri,
Havira na Yobhaabhu.
Bhayö bhonswe igho mbo bhaarë urwebhoro urwa Yokotaani.
30 Ikyaro keno abhantö bhayö bhonswe igho bhaamënyirë-mo,
nkyaasimiryanga ku-singuku isya Mesha okobhata Sefari ku-singuku isya röghörö.
31 Ruyö ndwo urwebhoro urwa Shëëmu,
ko-bheghambo ibhyabho,
ko-bhesaku ibhyabho,
na ku-bhyaro ibhyabho.
32 Ruyö ndwo urwebhoro urwa abhaana abha Nuhu,
okorengʼaana na seeka isyabho.
Ukusimirya haara ëhöörö iya amanshë yaahööyë,
abhantö mbaanyaraghaini ko-kebhara kyonswe igho.