Cìnmpyiibii ŋwɔ̀ŋʼà táan
133
Zheruzalɛmu ŋkàreŋi mɛɛni là.
Dawuda mɛɛni là.
Cìnmpyiibii ká bɛ̂ maa wwɔ̀,
lire na ɲyɛ kacɛnnɛ maa ntáan.
2 Lire na ɲyɛ mu à jwo sìnmɛ nùgontanga wumɔ,
mpemu pʼà wu sùpya ɲùŋɔ na,
mà fwu a tîge mahajwoŋi i,
Arɔn mahajwoŋi yabiliŋi i,
maa ntîge mà nɔ fo u vàanntinŋke ɲwɔge na ke.
3 Cìnmpworoge na ɲyɛ mu à jwo Hɛrimɔ ɲaŋke kamɛŋke,
ku ɲyɛ na ntîri Siyɔn ɲaŋke nùŋi i,
wani Kafooŋi Kile à u jwóŋi tùugo,
uru u ɲyɛ shìŋi tèrigii puni i.