Wuu fwù kan Saanŋi Kile á
47
Mɛceŋkuruŋke yyaha yyére shinŋi.
Kore jyaabii mɛɛni là.
2 Supyishiŋi puni,
yii a kaŋkurigii kwòre,
yii a funntanga kwuuyi wàa Kile á!
3 Ɲaha kurugo yɛ,
Kafooŋi Kile,
nìɲyiŋi u Kileŋi na ɲyɛ fyagara yaaga.
Ɲìŋke puni Sanbwɔhe ki.
4 U maha kìrii niɲyahigii pyi cyi à kúu wuu á,
maa supyishi niɲyahawa le wuu tooyi ɲwɔhʼi.
5 U à kìre cwɔɔnrɔ mà pyi wuu kɔɔgɔ,
lirʼà pèenɛ taha wuu Yakuba shiinbii na,
u na ɲcáa wuu mpiimu na ke.
Shelaa
6 Kile à dùgo nìɲyiŋi na u tatɛɛnge e funntanga kwuuyi shwɔhɔlʼe,
Kafooŋi à dùgo mpuruge mɛɛni shwɔhɔlʼe.
7 Yii ŋkèeŋi myahigii cêe Kile á,
yii ŋkèeŋi myahigii cêe.
Yii ŋkèeŋi myahigii cêe wuu Saanŋʼá,
yii ŋkèeŋi myahigii cêe.
8 Ɲaha kurugo yɛ,
Kile u ɲyɛ ɲìŋke puni Saanŋi.
Yii ŋkèeŋi myahigii cêe.
9 Kile u ɲyɛ supyishiŋi puni ɲuŋɔ na.
U nintɛɛnŋi ɲyɛ u saanre tatɛɛnge sèe woge e.
10 Kìrigii ɲùŋufeebilʼà wà piye na maa bâra Ibrahima u Kileŋi shiinbii na.
Ɲaha kurugo yɛ,
diɲyɛŋi saanbii na ɲyɛ Kile wuu.
Uru u ɲyɛ pi puni ɲuŋɔ na.