Sùpyire punʼà kuni niɲcɛnni yaha
14
Mɛcekuruŋke yyaha yyére shinŋi.
Dawuda mɛɛni là.
Funŋɔbashiinbii na ŋko piye funŋi i na Kile ɲyɛ mɛ.
Pi à fwɔ́nhɔ,
zòɲcɛnŋɛ ɲyɛ a sìi pi na mɛ,
kacɛnnɛ pyifoo ɲyɛ a sìi mɛ.
2 Kafooŋi Kile à tɛ̀ɛn nìɲyiŋi na maa ɲùŋke sôgo maa sùpyire wíi,
kampyi yákilifoo na ɲyɛ pi e,
ŋgemu u ɲyɛ na Kile caa ke.
3 Pi punʼà kuɲcɛnni yaha,
pi punʼà fwɔ́nhɔ.
Pi wà ɲyɛ na kacɛnnɛ pyi mɛ,
ali shin niŋkin.
4 Taha pire kapimpyiibii ɲyɛ a kyaa cè mɛ?
Pi na mii shiinbii lyî yalyige fiige.
Pi ɲyɛ a sìi na Kafooŋi mɛge yiri tèni là tufiige e mɛ.
5 Fyagara nimbwɔrɔ si pâa pi ta,
ɲaha kurugo yɛ,
mpii pi à tíi ke,
Kile ɲyɛ pire shwɔhɔlʼe
6 Yii supyikyanyi,
yii na ɲcyíge fànha bàa shiinbii ɲyii wuuni na,
ŋka Kafooŋi u ɲyɛ pi taŋwɔhɔge.
7 Jo u sí n-yîri Siyɔn e si Izirayɛli shiinbii shwɔ yɛ?
Kafooŋi ká Izirayɛli shiinbii núruŋʼa tìŋɛ tèni ndemu i ke,
Yakuba tùluge shiinbii sí raa yógore,
Izirayɛli shiinbii sí n-pyi funntange e.