Kafooŋi u ɲyɛ shintíiŋi taŋwɔhɔge
11
Mɛceŋkuruŋke yyaha yyére shinŋi mɛɛni.
Dawuda mɛɛni là.
Kafooŋi Kile u ɲyɛ mii taŋwɔhɔge.
Ɲaha na yii sʼà yi jwo mii á na:
«Yîri ma a sì ɲanyi na sanɲcyɛɛn fiige yɛ?»
2 Yii wíi,
shiinpibilʼà pi sintaage dìri,
pi à pi tàanbilini taha sintaage mɛɛni na,
maa ŋwɔhɔ numpini i,
sùpyaŋi zòmbilini lʼà tíi ke,
si uru ŋwɔn.
3 Kàrigii puni núcyange ka ɲcwo,
Sùpyaŋi u à tíi ke,
ɲaha uru sí n-jà n-pyi yɛ?
4 Kafooŋi ɲyɛ u pêe pêe babwɔhe niɲcɛnŋke e.
Kafooŋi saanre yatɛɛnŋke ɲyɛ nìɲyiŋi na,
u ɲyii ɲya sùpyire puni na,
u ɲyiwiile niŋkin maha ti funŋɔ kàrigii puni cè.
5 Kafooŋi maha sùpyaŋi nintiiŋi zòmbilini suguro,
Ŋka shinpiibii ná kyanmpe kàrigii pyifeelʼà pɛn u á.
6 U sí naŋkyanhagii ná nage ná ŋkìrigiŋi wu shinpiibii na zànpya fiige,
kafeefuge ku maha súuge na fiige ke,
kuru ku si,
n-pyi pi nàzyan taage.
7 Ɲaha kurugo yɛ,
Kafooŋi à tíi,
katiigii cyi à táan u á.
Mpii pi à tíi ke,
pire pi sí u yyahe ɲya.