Sémeŋi Niɲcyiiŋi
(Zaburu 1—41)
Kurigii shuunniŋi kani
1
Shinŋi u ɲyɛ u ɲyɛ na shinpiibii yɛrɛyi kurigii ɲaare mɛ,
maa mpyi u ɲyɛ na yyéreli kapimpyiibii kuni i mɛ,
maa mpyi u ɲyɛ na bínnini na ntɛ̀n ná kafwɔhɔrɔ feebilʼe mɛ,
urufoo wuunʼà ɲwɔ.
2 Kafooŋi Kile sàliyaŋi kyaa maha sàa táan urufolʼá,
urufoo maha sɔ̂nŋi u kyaa na pìlaga bâra canŋa na.
3 Urufoo maha mpyi mu à jwo cige ŋkemu kʼà cɛnmɛ dùge ɲwɔge na ke,
ku maha yasɛɛre pyi ti tèepyilʼe
ku wyɛɛre ɲyɛ na fàange mɛ.
Urufoo ká yaaga maha yaaga pyi ke,
kuru maha ɲwɔ.
4 Ŋka shinpiibii wuuni ɲyɛ amuni mɛ,
pire na ɲyɛ mu à jwo sùmwɔhɔŋɔ,
kafɛɛge maha ŋkɛ̀ɛge na ŋkemu i ke.
5 Lire kurugo,
yibige canŋke,
pire sì n-jà n-yyére mɛ,
kapimpyiibii tayyerege sì n-pyi katiigii pyifeebii shwɔhɔlʼe mɛ.
6 Yii li cè na mpii pi ɲyɛ Kafooŋi kuni i ke,
u maha yaha pire na,
ŋka kapimpyiibii kuni maha ŋkàre ná pi e kakyaare cyage e.