Yuunusu 4

[Alla fonnansiraaxu]

da ken raga fo bure ya, a butu ti a yi. 2 A ɲaage katta Tunka Duumanten|Tunka Duumante ŋa nan ti : «  wo ! Nke ma ke ya ko geni gelli in gaa in kaara ? Ken kanma ya ni in ga keɲe wurunu telle Tarisiisi yi, baawo in wa a tu nan ti anken ni Alla neemandaanan ya, hinnaana. Nooxen ya na an ŋa, fonnansire. Fiidumaxanyillaanan ya na an ŋa fo buren maxa. 3 Saasa kuŋa Tunka Duumante, n yonkin wutu bakka in ŋa, baawo in kallen nan fasu in bireyen ŋa. » 4 Tunka Duumanten ti a da : « Butte daga an da ba ? »

5 Yuunusu bogu deben ŋa, nan taaxu deben kinbakkan ŋa. A da gupe dabari i du da non ŋa. A taaxu a wure yi sirawun ŋa, ma i na ke be gaa riini ɲa ti debe ke yi wari. 6 Tunka Duumante Alla da yitte ramuuru, a wurugi Yuunusu kanma, kuudo na sirawun ro Yuunusu kanma, na a sirawundi bakka tooran ŋa. Yuunusu sewo ti yitte ke yi, sewoyi xoore. 7 A yillankaran biijibaajon ŋa, Alla da xuude janba yitte ke yi na a bonondi ; a kaawa. 8 Bire be kiyen ga yingi, Alla da kinbakkanforofolle selleti, kiyen da Yuunusu dellen katu, a xiti, a da kallen muuru i yonkin da. A ti : « N kallen nan fasu in bireyen ŋa. » 9 Alla daali Yuunusu da kuŋa ti : « Butte nan siri an da do yitte ke yi ba ? » A ti : « N nan siri buttu ma in ga kara ke ! » 10 Tunka Duumanten daali : « Anken hinne yitte be anken ma tanpi a yi, an ma a xoorondi. Iyo wurubaananyitte, a ga wurubaananyitti, a ga kaawa ! 11 Nke ya n nta xawa hinnene yi, ke debi dare, ke be ga n gaba kamen do tanpillen wujunun haadamarenmen ŋa, ku beenu ga n nta i teyen do i noogen bakka me yi, ken do fomuumen gabe ? »