[Yuusufukaarankon taqikutiye]
16
Yuusufukaarankon taqikutiyen bogu gilli Yaradefanŋe yi Yeriiho, ti Yeriiho jinyaaxon kinbakkan ŋa, taŋeene gunjuran ŋa segene gilli Yeriiho yi ti Beeti-yeli gidinjamaanen ŋa. 2 A bogu Beeti-yeli yi katta Luuja,
nan kare katta Haraakigankon gingen ŋa Hatirooti yi,
3 nan yanqa kinxennan ŋa katta Yafileetigankon gingen banŋe,
ma Beeti-horoona wureedunɲiiɲen ŋa,
ma Gejeere yi xadi,
nan xenpe geejin ŋa.
4 Yuusufu renmun taqimaxawuti,
Manaase do Hefarayimu.
[Hefarayimukaara taqikutiye]
5 Hefarayimukaara gingen ɲa i fonlaqen lanɲaran da,
i gingen ɲa Hatirooti-daari kinbakkan ya yi,
ma Beeti-horoona yi kanmura.
6 Ginge ke bogu geejin ŋa katta Miximeeta yi saahelin ŋa,
na Taanati-silo yoori kinbakkan ŋa,
na a kuta kinbakkan ŋa katta Yanooha yi,
7 nan yanqa gelli Yanooha yi katta Hatirooti do Naara,
nan yanqa ti Yeriiho yi,
nan daga xenpe Yaradefanŋe yi.
8 Gilli Tapuuha yi,
a ginge ke tere do Xana waranlaqen ŋa kinxennan ŋa,
a xenpan nan ɲa geejin ŋa.
Ke ni Hefarayimukaarankon xallitaqen ya yi,
i fonlaqen lanɲara,
9 ken do i debu beenu gaa i da Manaasekaara kutiyen noxon ŋa ga nta baana,
kun debu do i debinlenmun su.
10 Ganta i ma Kanaanaganko beenu gaa taaxunu Gejeere yi xata :
Kanaanagankon wa finna taaxunu Hefarayimukaarankon kaaran ŋa hari ke lenki kundu,
nan komongolli.