46
Isirayila¤ da killen raga,
a do fo wo fo su ga ɲi a maranden ŋa.
I ga kiɲe Beeri-seba,
a xurusindi i faaba Isiyaaxa Alla da.
2 Wuron ŋa Alla sefe a da,
a gaa i yaaxon ŋa.
A da a gangu :
« Yaaxuba !
Yaaxuba !
» Yaaxuba ti :
« N naamu. »
3 A ti a da :
« Nke ya ni Alla yi,
an faaba Alla.
Maxa kanu dagana Misira yi,
n wa riini xabiila xoore bogu an ŋa no.
4 Nke yinme wa dagana an tunsi Misira,
na an bonsonŋun saagandi riini xa.
An yonkin ga na joxi,
Yuusufu yinme ya na an yaaxon karana. »
5 Yaaxuba ga bogu Beeri-seba,
a renmun da a rondi sinwotoronu beenu ga giri Misira tunkanyugon ŋa,
kafiini i yaqun do i renmu.
6-7 I do i daabanun do naabure su gaa i maxa Kanaana jamaanen ŋa,
i do i daga Misira.
Ken moxo yi,
a do i funtifon su daga :
a ren yugun do a ren yaxarun do a kisimaru.
8 Isirayiladunko be ga daga Misira, kun ga ni Yaaxuba do i renmun do i kisimarun ŋa, i toxonun faayi :
10 Simoonu ren yugun ni :
Yemuyeeli,
Yamiina,
Wahaadi,
Yaxiini,
Sohaara,
a do Sawulu,
ken ma ni Kanaanaganken ya.
11 Leewi ren yugun ni :
Geresooni,
Xehaati,
a do Meraari.
12 Yehuuda ren yugun ni :
Heeri,
Onaani,
Seela,
Pereci,
a do Jeera.
Heeri do Wonaani,
kun faati na i toxo Kanaana jamaanen ŋa.
Pereci ren yugun ni :
Hecerooni do Hamuuli.
13 Yisaxaari ren yugun ni :
Toola,
Puwa,
Yooba do Simerooni.
14 Jebuluunu ren yugun ni :
Seredi,
Yeloona do Yahaleeli.
15 Ku ya ni Yaaxuba funtifoonu be ga bogu Leeya yi,
i ga saare Padana-haraami,
ren yugun do i renmu,
kafiini a ren yaxare Diina yi,
i su kafumanto,
tanjikke do sero sikki.
16 Gaadi ren yugun ni :
Sifooni,
Haggi,
Suuni,
Hesibooni,
Heeri,
Haroodi,
a do Hariyeli.
17 Haseeri ren yugun ni :
Yimuna,
Seewi,
Yiseewa,
Beeriya,
a do i gidanyaxare Seera.
Ren yugu filli wa Beeriya maxa,
kun ni :
Hebeeri do Maalikiyeli.
18 Ku ya ni funtifoonu tanmi do tunmu be Yaaxuba ga da i kita Jilifa yi,
ken ga ni Labaani ga da i komo yaxare be kini i ren yaxare Leeya yi.
19 Yaaxuba yaqe Raheli ren yugun ni :
Yuusufu do Beniyamiina.
20 Yuusufu,
ken ɲi Misira ya yi,
a da ren yugu filli kita i yaqe Wosinaati yi,
ken ga ni Poti-feera ren yaxaren ŋa,
Wooni diinan yinmanke.
Kun ren yugu filli ni :
Manaase do Hefarayimu.
21 Beniyamiina ren yugun ni :
Beela,
Bexera,
Sebeeli,
Geera,
Naama,
Yeehi,
Roosi,
Mufiimu,
Hufiimu,
a do Hereedi.
22 Ku ya ni Yaaxuba ga da funtifoonu tanmi do naxato be kita i yaqe Raheli yi.
23 Daani ren yugon ni Husiimu.
24 Nafutaali ren yugun ni :
Haceeli,
Guuni,
Yeceeri do Sileemu.
25 Ku ya ni funtifoonu ɲeri be Yaaxuba ga da i kita Biliha yi,
ken ga ni Labaani ga da komo yaxare be kini i ren yaxare Raheli yi.
26 Yaaxuba bonsonŋu be ga daga do a batte Misira,
i su kafumanton ni tandunme do sero tunmi,
kafiini a kallu yaxarun ŋa.
27 Ken kuŋa Yaaxuba koren jaate Misira,
kafiini Yuusufu do i ren yugu ku filli be ga saare no :
tanɲere sere.
28 Bire be,
Yaaxuba do i koren gaa killen ŋa,
a da Yehuuda wara dagana i kaane,
ti a na a ko Yuusufu da,
i wa a killen ŋa riini Goseni.
29 Yuusufu xosi wotoron moxon sirondi,
nan daga i faaba gemundi Goseni.
Gelli a ga da a wari baane,
a fanama a yi na wucu laate wu.
30 Isirayila ti a da :
« Saasa ken ke,
n ra wa kalla,
baawo n da an wari,
n saxu a yi nan ti an wa bireene. »
31 Ken falle Yuusufu ti i waaxinu ku do faaben koren kutten da :
« N wa dagana axa riyen ko tunkanyugon da,
nan ti axa ri kafi in ŋa yere gilli Kanaana yi.
32 N wa a xibaarini xa,
nan ti axa ni naaburumaraanon ya yi,
axa do axa tanmison do axa naanu,
do fo wo fo gaa axa maxa,
axa do i su ri.
33 Tunkanyugon ga na axa tirindi :
“ Axa gollen ni manne yi ? ”
34 Axa nan ti a da :
“ O yinmanke,
oku ni naaburumaraanon ya yi,
gelli o tugunnu ma saasa,
xoyi o sere fanon moxo.
” Ken ya ni,
ɲaamariyen na kini ti axa n taaxu Goseni maran ŋa,
baawo Misirankon nta nagaanaana mulla. »