[Yesaawu kaadunkon taarexu]
36
Yesaawu,
i gaa tini a da Hedoomu,
a kaadunkon taarexun faayi.
2 Yesaawu da yaxaru sikki ya yaxi,
Kanaanan yaxaru filli :
Yeloona Heetiganke renyaxare Haada,
a do Haana renyaxare Holibaama,
Sibooni Hiiwikaaranke kisimare ga ni,
3 a do Sumaayila renyaxare Basimaati,
Nebayooti xoxona yaxare.
4 Haada saare a da ti Yelifaaji.
Basimaati da Lewuyeli saara a da.
5 Holibaama saare a da ti Yewusi,
Yalaamu,
a do Xoora.
Ku ya ni Yesaawu renyugu be ga saare Kanaana jamaanen ŋa.
6 Yesaawu da i yaqun do i renmun do i kaadunkon su wutu,
a do i tanmison do i naaburun kuttu,
a do a ga da naaburu jura su kita Kanaana jamaanen ŋa,
nan daga taaxu jamaane tana yi i xoxone Yaaxuba laatoyen ŋa.
7 Baawo i daabanun nan gaba i n toxo doome yi danŋa.
I gaa jamaane be yi nta i bakka,
i daabanun gaboyen saabu da.
8 Hedoomu daga taaxu Seyiri giden ŋa,
a ya ni Yesaawu.
9 Hedoomugankon xooxo Yesaawu taarexun faayi,
na i toxo Seyiri giden ŋa.
10 A renmun ni Yelifaaji,
ken ni a yaqe Haada renyugon ya yi,
do Lewuyeli,
ken ni a yaqe Basimaati renyugon ya yi.
11 Yelifaaji renmun ni Temaani,
Womaari,
Ceefo,
Gaatamu,
a do Xenaaji.
12 Yelifaaji taarayaxare Timina renyugon ni Hamaleexi ya.
Ku ya ni Yesaawu yaqe Haada kisimarun ŋa.
13 Lewuyeli renyugun ni Nahaati,
Jeera,
Saama,
a do Miija.
Ku ya ni Yesaawu yaqe Basimaati kisimarun ŋa.
14 Yesaawu yaqe Holibaama,
Haana renyaxare Sibooni kisimare,
a saare a da ti Yewusi yi,
a do Yalaamu,
do Xoora.
15-16 Yesaawu bonsonŋun xabiilanyinmankon faayi :
a sooma Yelifaaji,
a ma ga ni Haada yi.
Ken renmun ni Temaani,
Womaari,
Ceefo,
Xenaaji,
Xoora,
Gaatamu do Hamaleexi.
Ku ya ni a bulunlaqen yinmankon ŋa,
Hedoomu jamaane.
17 Yesaawu renyugo Lewuyeli,
a ma ga ni Basimaati,
a bulunlaqen yinmankon ni Nahaati,
Jeera,
a do Saama do Miija ya yi,
Hedoomu jamaanen ŋa.
18 Yesaawu yaqe Holibaama,
Haana renyaxare ga ni,
a bulunlaqen yinmankon ni Yewusi,
Yalaamu do Xoora.
19 Ku ya ni Yesaawu bonsonŋu beenu ga toori Hedoomu jamaanen ŋa.
20 Hooriganke Seyiri fonlaqen taarexun faayi :
ikun ya ni Hedoomu taaxaana fanon ŋa.
I toxonun ni Lutaani,
Soobali,
Sibooni,
Haana,
21 Disoona,
Heceeri,
a do Disaani.
Ku ya ni Seyiri bonsonŋun ŋa,
Hoorigankon fonlaqen yinmanko,
Hedoomu jamaanen ŋa.
22 Lutaani renmun ni Hoori do Himaamu.
Lutaani waaxi yaxaren toxon ni Timina.
23 Soobali renmun ni Haliwaani,
Manahaati,
Heebali,
Seefo do Wonaamu.
24 Sibooni renmun ni Haya do Haana.
Haana ya n da jinyaaxen wari gunnen ŋa,
na a toxo i faaba Sibooni farun nagaanini.
25 Haana renmun ni yugu baane,
ken ni Disoona,
do yaxare,
ken ni Holibaama.
26 Disoona renyugun ni Hemidaana,
Sabaani,
Yitiraani do Keraani.
27 Heceeri renyugun ni Bilihaani,
Jawaani,
a do Haxaana.
28 Disaani renyugun ni Wuci do Haraani.
29 Hooriganko beenu ga toori Seyiri jamaanen ŋa toxonun faayi :
Lutaani,
Soobali,
Sibooni,
Haana,
30 Disoona,
Heceeri do Disaani.
31 Tunkanyugu be ga mare Hedoomu jamaanen ŋa nan saame Banisirayilaganko tunkanyugun kaane,
i toxonun faayi :
32 Boora renyugo Beela,
a deben ga ni Dinaaba.
33 A faati falle,
Jeera renyugo Yobaabu,
Bacaranken ya ni,
ken toori a batten ŋa.
34 Yobaabu ga faati,
Temaaninke Husaamu toori a batten ŋa.
35 Husaamu faati falle,
Bedaadi renyugo Hadaadi,
Hawiitinke ya ni,
a toori a batten ŋa.
A da Mediyaananko gaja Mowaaba jamaanen ŋa na i ni.
36 Hadaadi faati falle,
Masireexanke Saamala toori a batten ŋa.
37 Saamala faati falle,
Sawulu,
Rehebootinke ya ni,
a toori a batten ŋa,
Rehebooti be gaa fanlaqen ŋa.
38 Sawulu faati falle,
Haxibooro renyugo Baali-hanaani toori a batten ŋa.
39 Haxibooro renyugo Baali-hanaani faati falle,
Pawunke Hadaari toori a batten ŋa,
a yaqen ni Metebaali,
Matireedi renyaxaren do Mejihaabu kisimare.