[Haadama katta Nuuha]
5
Haadama kaadunkon taarexun faayi :
Bire be Alla ga da haadamarenmun taga,
a da i ɲa,
kuudo i na ike yinme xawaaraaxu.
2 A da i taga yugo do yaxare,
na bareke ro i ya i tage koota,
na i toxora haadamarenmu.
3 Haadama wuyin gaa kame do tanjikke siine,
a da i me renme saara,
i gaa giya baane.
A da a toxora Seeti.
4 Ken falle,
Haadama da kamo segi siine bire,
a da renmu tana saara.
5 A faati na a wuyin toxo kamo kabi do tanjikke siine.
6 Bire be,
Seeti wuyin gaa kame do siino karagi,
a da Henoosi saara.
7 Ken falle,
a da kamo segi do siino ɲeri bire,
a da renmun tana saara.
8 A faati na a wuyin toxo kamo kabi do siino tanmi do fillo.
9 Bire be,
Henoosi wuyin gaa tankabe siine,
a da Xenaani saara.
10 Ken falle,
a da kamo segi do siino tanmi do karago bire,
na renmu tana saara.
11 A faati na a wuyin toxo kamo kabi do siino karagi.
12 Bire be,
Xenaani wuyin gaa tanɲere siine,
a da Mahalaali saara.
13 Ken falle,
a da kamo segi do tannaxate siine bire,
a da renmun tana saara.
14 A faati na a wuyin toxo kamo kabi do siino tanmi.
15 Bire be,
Mahalaali wuyin gaa tandunme do siino karagi,
a da Yeredi saara.
16 Ken falle,
Mahalaali da kamo segi do tanjikke siine bire,
a da renmun tana saara.
17 A faati na a wuyin toxo kamo segi do tankabe do siino karagi.
18 Bire be,
Yeredi wuyin gaa kame do tandunme do siino filli,
a da Hanooxi saara.
19 Ken falle,
a da kamo segi siine bire,
na renmun tana saara.
20 Ken faati na a wuyin toxo kamo kabi do tandunme do siino filli.
21 Bire be,
Hanooxi wuyin gaa tandunme do siino karagi,
a da Metuseela saara.
22 Hanooxi da i du kini Alla yi kamo sikki siine,
na renmun tana saara.
23 A da kamo sikki do tandunme do siino karagi ɲa,
24 nan lagari ɲaana do Alla batte,
nan yaaxaransanku,
baawo Alla da a wurugi katta i du yi.
25 Bire be,
Metuseela wuyin gaa kame do tansege do siino ɲeri,
a da Lemeexi saara.
26 Ken falle,
a da kamo ɲeri do tansege do siino filli bire,
a da renmun tana saara.
27 Ken faati na a wuyin toxo kamo kabi do tandunme do siino kabi.
28 Bire be,
Lemeexi wuyin gaa kame do tansege do siino filli,
a da ren yugo kita.
29 A da a toxora Nuuha,
[a wure ga ni :
« neenendaana »],
nan ti :
« Neenendaana,
a ya n riini o neene o gollun ŋa,
a do o tanpiyi xoton ŋa bakka ɲiiɲanxotti langante ke yi Tunka Duumanten maxa. »
30 Ken falle,
Lemeexi da kamo karagi do tankabe do siino karagi bire,
na renmu tana saara.
31 A faati na a wuyin toxo kamo ɲeri do tanɲere do siino ɲeri.
32 Nuuha wuyin gaa kamo karagi siine,
a da ren yugu sikki saara :
Saami,
Haami a do Yaafasi.