Judas i

JUDAS

Pahati pasal sulat itu

Si Judas itu bay siyali si Isa, magdanakan isāb maka si Yakub ya pagnakuraꞌan saga Almasihin mahēꞌ ma Awrusalam.

Pinabeyaꞌ eꞌ si Judas sulatna itu ni aꞌa kamemon magpangandol ma si Isa Al-Masi ma kalahat-lahatan. Niebot-ebotan sigām eꞌna, sinōꞌ pahalliꞌ toꞌongan ma saga guru ya amanduꞌ kabengkokan. Bay magbauꞌ-bauꞌ saga guru inān in sigām magkahagad sabꞌnnal-bꞌnnal ma si Isa Al-Masi, sagōꞌ aheka kahinangan sigām mbal manjari. Baꞌisan sigām maka abbuhan.

Aniyaꞌ isāb jamaꞌa si Isa bay magkahagad ma pamanduꞌ sigām sampay ameyaꞌ-meyaꞌ ma sigām maghinang laꞌat. Binandaꞌan eꞌ si Judas saga jamaꞌa itu, sasuku tabowa binidjakan eꞌ saga guru putingan heꞌ, boꞌ supaya amuspus pabalik ni panduꞌ bꞌnnal ya bay pamanduꞌ ma sigām tagnaꞌ.