23
Kalangan 23
Kalangan si Daꞌud
1 Si Yawe ya angipat aku, sapantun aꞌa angipat bili-bilina,
angkan halam aniyaꞌ kulang ma aku.
2 Kahinangan aku heꞌna pahalian ma parang-parang alunuk,
niambit aku heꞌna ni atag boheꞌ kasannangan.
3 Pinahayang nyawaku,
minaliman aku heꞌna ma lān abontol, ma sabab Ōnna kabantugan.
4 Minsan palabayanku kalꞌddoman lambung kamatay,
mbal aku atāw pinuhingaꞌ sabab kaꞌa ya gapiꞌku, O Tuhan.
Ilu tungkudnu maka sohaꞌnu amuwanan aku kasalamatan baran.
5 Sakapannu aku jamuhan ma alopan palbantahanku.
Niꞌnsꞌllanan heꞌnu kōkku, tandaꞌ sin lasanu ma aku.
Palasay sawanku pagka apꞌnnoꞌ heꞌ pahalaꞌ.
6 Tantu aku pinasukuꞌan kahāpan,
tantu tinogolan lasanu ma aku satꞌggolku allum.
Ati lumaꞌ PANGHŪꞌ ya patꞌnnaꞌanku saumul-umul.