Malɩ́kawa kéŋ wɩɩla balpɛ ko
15
1 Ŋ baa bel, a ná nyɩnɛ ɓɩzeno oro, há gɩ́rɩ́ŋ, bána nyúú:
Malɩ́kawa balpɛ nɛ́ kéŋ wɩɩlawa má balpɛ.
Hatɩ́ŋnɛ́ wɩɩlawa nɛ́ ɛ́; Wɩɩsɛ sɩ́ tɩŋ ɛ́ wɩɩlawa mɛ́, a dúú cɔwɩɩlɔ́ tenni.
2 Ká ŋ ná óŋ oro, há nɩhɩ̃́ mʋʋ, aá tʋl anɛ nyiiló, ká níŋ mɩ́nʋ́ sɩɛrʋ.
Ŋ ná nɩɛ ná há dí dóé ballɔ ná nyúú, ʋ veno rɩ́rʋ́ yɩr náŋɓa ná nyúú.
Ɓa cɩ́ dahá, mʋnyiiló ná daha, a ka ceŋsi ná Wɩɩsɛ há pɔ́wɔ́.
3 Ɓaá yɩ yɩl ná Wɩɩsɛ tʋtʋnnɔ Moyizi* há yɩ́ɛ́, ʋ ná Pewie má há yɩ́ɛ́ nɛ́, a bʋlɛ́:
«Nyuutɩna, dóé wuu tɩ́na Wɩɩsɛ,
ɩ wɩ́'állɛ zéŋsó, a gɩrɛ nɩɛ!
Duo wuu kuóro, ɩ há máŋsɛ wɩ́ɛ́ ná rɩ́ɩ́ a,
ɓa ká tékétékéwa, a a wɩ́táŋsɛ́!
4 Áŋ rɩ́ mɩnɛ́, Nyuutɩna, a wɩ́ɩ́ fá,
a wɩ píŋ píé aá pɛ́ɩ́?
Ɩ dʋŋɔ nɛ́ ká páár.
Duo wuu nɩɛ sɩ́ ko ɓírmi tíé ɩ sɩ́ɛ́, a cʋ́ɔ́lɩ́,
bee wɩ́ɛ́ ɩ wɩ́tékétékéwa ná ká nyaamɩ́.»
5 Ɛ́ har rɩ́ mɛ́, ŋ ná Wɩɩsɛ táŋtɛ* jaa sɩ́ɛ́rɩ́, Wɩɩsɛ sɩ́ɛ́* ná, nʋtʋmɛ dáka* há mɩŋ ráŋ, rʋʋ wúró, bána nyúú.
6 Malɩ́kawa ná balpɛ há kéŋ wɩɩlawa balpɛ, lɛ ráŋ ko lɛ, a su gɛpʋŋsɛ háá tʋlɛ́, ká pi salmɛ báltɛwa vɔ́sɩ́wɔ́ baŋcɩllɛ mɛ́.
7 Oŋwómme ná nɔ́ŋɔ pa salmɛ gbaŋsɛ balpɛ, a pá malɩ́kawa ná balpɛ.
Wɩɩsɛ ná há wómmó tɛ́ŋ wuu mí, ʋ cɔwɩɩlɔ́ nɛ́ sú ɛ́ salmɛ gbaŋsɛ.
8 Wɩɩsɛ píŋ rɩ́rʋ́ dóé cu nyʋɔsɛ, a sú táŋtɛ jaa ná.
Rɩ wɩɩlawa ná balpɛ malɩ́kawa há kené ní wɩ tʋ́mɛ́ daarɛ, nɛ́ŋ wɩ ráŋ wuó zʋ.