6
1 Ɛ́ wɩ́ɛ́, Kirisi wɩ́ɛ́ ná ɓa há píé kármɩ́rá púle mí wuu ná, á sɩ́ dé mɩ́ŋwɔ́ máŋsɛ mɛ́ nɛ́ wuu, amá á mʋ́ sɩ́ɛ́, a wa a bɩrmɛ nɩhɩɛ̃́sɛ, ká báá sɩ́ ɓáásʋ́ rɩ́ɩ́ púl pi Wɩɩsɛ wɩ́bʋlɛ wɩ́ɛ́ ná, há ká mʋ́biló wɩ́ɛ́, rɩ́ɩ́ kɩ́karmɛ nɩɛ; ɓa nɛ́ ká:
ɛ́ ɓa há mɔhɛ̃́ rɩ́wɔ́ bɩ́rsɛ, a tá sʋ́ʋ́rɩ́wɩ́ɛ́ ɛɛ, Wɩɩsɛ wɩ́ɛ́ laa díí,
2 nyimuŋsiwa* karmɛ́, ɛ́ ná ɓa há pí nɛ́ŋsa aá tɩkɛ nɩɛ mɛ́, sʋsɛ bɩr'isé wɩ́ɛ́, arɩ́ sarɩ́ya ná háá díé rɩ́ɩ́ hé nɩɛ dɩhɩ̃́ ná, ɓa há sɩ́ mɩŋ, a kaá mʋ́ wuu, wɩ́ɛ́.
3 Rɩ Wɩɩsɛ nɛ́ sáŋɛ́, á sɩ́ tá nyáŋ, ká mʋ́ sɩ́ɛ́.
4 Nɩɛ ná Wɩɩsɛ pʋmmɔ há zʋ́wɔ́, ɓa la bána nyúú pálɔ dí ná, Wɩɩsɛ Sabɩɩna mɩ́ŋwɔ́ mɛ́,
5 ɓa la Wɩɩsɛ wɩ́bʋlɛ dí, a nóú wér, a zɩŋ dúníé ná háá kué dóé mʋɔsɔ,
6 rɩ ɛ́ nɩɛ nɛ́ vɛ́ Wɩɩsɛ ŋmɛ́nɔ, káá bɩ́rmɩ́ŋwɔ́ tésíé wɩ́'állɛ mɛ́, bɩ́rɛ́ báá toó, a a ɓa baa bɩ́bɩ́rsɛ, bee wɩ́ɛ́ Kirisi ní ɓa é baa ɓɩ́ɓásɛ, dagɛsɛ́ daha, a hɩ́ɩ̃́sʋ́ aá pá jamáŋ.
7 Duóŋ há kó wérí, tíé ná nyɔ nyii vɔkɛ, oŋparɛ́ ná ɓa há dúú mí ɔsɛ wérí, a pá nɩɛ ná há párɛ́, ɛ́ tíé má kéŋ ker, Wɩɩsɛ bárka sɩɛrʋ.
8 Amá rɩ tíé ná nɛ́ nyʋ́ sɔrʋ rɩ́ nyɔ́bɔma, ʋ wɩ weri ní; Wɩɩsɛ sɩ́ vɔ́ʋ́ wɩ́ɛ́, rɩ́wɔ́ tɔkɛ níŋ nyɩ́kʋ́, rʋ́ʋ́ dí físi a zɔkɛ.
9 Á nɩcólle tɩɩ, raá nɩ́ɩ́ bʋl nyɛ má, á ɩ́ɔ̃́ rɩ́ taŋá, rɩɩ́wa mɩŋ ŋmɛ́ŋwero mí ní, ʋ nɛ́ ká Wɩɩsɛ laatɛ́ ŋmɛ́nɔ.
10 Wɩɩsɛ ká tékétéké, ʋ waá bél gúóníwa tʋtʋmɩ́ ná ɩ́ há tʋ́mɛ́ pɔ́ʋ́, arɩ́ cólle ná ɩ́ há kené, ʋ yɩr mɛ́, a a wɩ́ɛ́ pɔ́ʋ́ nɩtɩ́llɛ, ká ha a aá pɔ́wɔ́.
11 Á taŋá já rɩ́ɩ́wa nɛ́ŋ wuu fɛ́l sɩ́ɩ́, a ka ɛ́ kajáŋa duo naa mɛ́, a mʋ́ gírsi, a makɛ rɩ́ɩ́wa yɩɛla nʋɔ sú wérí.
12 Ɩ́ sɩ́ tɛŋwɩl á, amá ɩ́ cesi nɩɛ ná há lá Wɩɩsɛ dí, a cɩ́ tɩkɛ arɩ́ nyamma, a ná omo ná Wɩɩsɛ há sʋ́ʋ́ sɩ́ pɔ́wɔ́.
Wɩɩsɛ há tá nʋɔ bʋlʋ́ sɩ́ a wɩ́ɩ́ ná, ʋ waá giri
13 Wɩɩsɛ fa há tá nʋɔ pá Abɩrahaŋ,* ʋ ŋmɩ́ɛ́sʋ́ tɩɩ yɩr mɛ́ nɛ́; óŋ wuu zéŋ wʋ́ʋ́ péré, ɛ́ nɛ́ tɛ, ʋ ŋmɩ́ɛ́sʋ́ tɩɩ yɩr mɛ́,
14 a bʋlɛ́:
«Taŋá wuu, ŋ sɩ́ héí nyúú bárka wérí,
a a rɩ́ɩ́ duo nɩɛ pul kɩ́ŋkáŋ.»
15 Ɛ́ nɛ́ Abɩrahaŋ nyammɛ, a dɛllɛ wuu, a ko ná wɩ́ɩ́ ná Wɩɩsɛ há tá nʋɔ, a bʋlʋ́ sɩ́ aa pɔ́ʋ́.
16 Rɩ nɩbííne níí já rɩ́wɔ́ ŋmɩ́ɛ́sɛ wɩ́ɩ́ wɩ́ɛ́, ɓaá ŋmɩ́ɛ́sɛ omo ná há kɩ́wɔ́ yɩr mɛ́ nɛ́.
A tɩŋ ɛ́ ŋmɔ́ɔ́ wɩ́ɛ́, kapɔsɛ báá wɩ ɛ́ wɩ́ɛ́ mɛ́ wuó mɩŋ.
17 Ɛ́ nɛ́ tɛ, Wɩɩsɛ ŋmɩ́ɛ́sɛ súúri pá nɩɛ ná ʋ há tá nʋɔ pá, a bʋlʋ́ sɩ́ a wɩ́ɩ́ pɔ́wɔ́, rɩ́wɔ́ zɩŋ rʋ́ʋ́ há sʋ́ʋ́ ná nɩ́ɩ́ cɩ́nɛ́, ʋ waá bɩ́rɛ.
18 Wɩ́ɛ́ nyáŋ bɛllɛ sɩɛ́ wɩ wuó bɩ́rsɛ; Wɩɩsɛ wɩ nyɩɛrʋ wuó nyɛ ɛ́ wɩ́ɛ́ sɩɛrʋ.
Ɛ́ wɩ́ɛ́, á é nɩɛ ná há fɛ́ɛ́ ko yúóli Wɩɩsɛ mɛ́, ʋ ká nadúóriwɩ́zéní rí, a párá, a makɛ, wɩ́ɩ́ ná Wɩɩsɛ há sʋ́ʋ́ sɩ́ a, ráá yɩ́ɛ́lʋ́ rɩ́ taŋá.
19 Ɛ́ yɩɛla á há kené, ʋ nɛ́ kéŋrá hiẽsó cɩ́ wérí, ɓɩduó, géŋgéŋ, á wólli zʋ́zʋ Wɩɩsɛ sɩ́ɛ́,* bána nyúú, anɛ á há dáárɛ́ patɩ́ɩ́sazeno.*
20 Zeezi ní lá sɩ́ɛ́ zʋ ráŋ, á mɛ́, á tɩɩ wɩ́ɛ́, ʋ há bɩ́rmɛ́ Wɩɩsɛ vʋk'ɔɔsɔ nɔhɔ̃́, a kaá mʋ́ wuu, anɛ Mɛlɩsɩsɛdɛkɛ.